“வீட்டுக்குள் துர்நாற்றம்…” 50, 52 மற்றும் 48 வயதான அண்ணன், தம்பிகள் சடலமாக மீட்பு…. “சமாளிக்க முடியல…” சிக்கிய வீடியோ…. போலீஸ் விசாரணை…!!

மும்பை அருகே உள்ள விரார் மேற்கு பகுதியில், கடுமையான நோய் கொடுமை மற்றும் நிதி நெருக்கடி காரணமாக ஒரே குடும்பத்தைச் சேர்ந்த திருமணம் ஆகாத மூன்று உடன் பிறந்த சகோதர சகோதரிகள் விஷம் அருந்தி தற்கொலை செய்து கொண்ட சம்பவம் பெரும் சோகத்தை ஏற்படுத்தியுள்ளது.

விரார் மேற்கு குளோபல் சிட்டி பகுதியில் உள்ள வீடொன்றில் வசித்து வந்த குமார் மேத்தா (50), தீபேஷ் மேத்தா (52) மற்றும் கேவனா மேத்தா (48) ஆகியோர் கடந்த சில நாட்களாக வீட்டை விட்டு வெளியே வரவில்லை. இந்நிலையில் அந்த வீட்டிலிருந்து கடுமையான துர்நாற்றம் வீசியதை அடுத்து, அக்கம் பக்கத்தினர் போலிஸாருக்குத் தகவல் தெரிவித்தனர். சம்பவ இடத்திற்கு வந்த போலிஸார் கதவை உடைத்து உள்ளே சென்று பார்த்தபோது, மூவரும் அழுகிய நிலையில் சடலமாகக் கண்டெடுக்கப்பட்டனர்.

அவர்கள் உயிரிழப்பதற்கு முன் குஜராத்தி மொழியில் பதிவு செய்த வீடியோவை போலிஸார் கைப்பற்றியுள்ளனர். அதில், தங்களில் ஒருவருக்குப் பக்கவாத நோயும், மற்றொருவருக்குப் புற்றுநோயும் ஏற்பட்டு அவதிப்பட்டு வந்ததாகவும், மருத்துவச் செலவு மற்றும் கடுமையான பணக்கஷ்டம் காரணமாகவே இந்த முடிவை எடுப்பதாகவும் கண்ணீருடன் பேசியுள்ளனர். இச்சம்பவம் குறித்து போலிஞ்ச் காவல் துறையினர் வழக்குப்பதிவு செய்து விசாரணை நடத்தி வருகின்றனர்.