“இனி நீ எனக்கு மட்டும் தான்..” காதலியை அடிமையாக்கி சித்திரவதை செய்த காதலன்… 2 வருடங்களாக மூடிய அறைக்குள் நடந்த கொடூரம்… உறைந்துபோன நீதிமன்றம்…!!

இங்கிலாந்தில் வசிக்கும் டெய்சி என்ற பெண், தனது காதலரான லீ யேட்ஸ் என்பவரால் இரண்டு ஆண்டுகளாக கடுமையான உளவியல் மற்றும் உடல் ரீதியான சித்திரவதைகளுக்கு ஆளான சம்பவம் பெரும் அதிர்ச்சியை ஏற்படுத்தியுள்ளது. கடந்த 2020-ஆம் ஆண்டு டேட்டிங் செயலி மூலம் அறிமுகமான இவர்கள் காதலிக்கத் தொடங்கினர். உறவின் தொடக்கத்தில் மிகுந்த அன்போடும் அக்கறையோடும் பழகிய யேட்ஸ், அடுத்த சில மாதங்களிலேயே டெய்சியின் ஒட்டுமொத்த வாழ்க்கையையும் தனது முழுமையான கட்டுப்பாட்டிற்குள் கொண்டுவரத் தொடங்கினார்.

சிறிது காலத்திலேயே யேட்ஸின் கொடூரமான குணம் வெளிப்படத் தொடங்கியது. டெய்சி என்ன உடை அணிய வேண்டும், எப்போது தூங்க வேண்டும் என்பதை அவரே தீர்மானித்துள்ளார். குளியலறையில் மூன்று நிமிடங்களுக்கு மேல் இருக்கக் கூடாது என்பது போன்ற கடுமையான கட்டுப்பாடுகளை விதித்ததோடு, கழிவறைக்குள் அத்துமீறி நுழைந்து கொடுமைப்படுத்தியுள்ளார். மேலும், டெய்சியின் மீது எச்சில் உமிழ்வது, சிறுநீர் கழிப்பது போன்ற அருவருப்பான செயல்களில் ஈடுபட்டு அவரைத் தனது அடிமையாகவே நடத்தியுள்ளார். நண்பர்களைச் சந்திக்கவோ, தனது விருப்பப்படி சுதந்திரமாகச் செயல்படவோ டெய்சிக்கு எந்த உரிமையும் வழங்கப்படவில்லை.

இந்த நரக வேதனையானது 2022-ஆம் ஆண்டு ஜூன் மாதம் முடிவுக்கு வந்தது. பொது இடத்தில் யேட்ஸ் டெய்சியைத் தாக்குவதை நேரில் கண்ட அண்டை வீட்டுக்காரர் ஒருவர் காவல்துறையினருக்குத் தகவல் அளித்துள்ளார். தப்பிப்பதற்கான இந்த வாய்ப்பைப் பயன்படுத்திய டெய்சி, தனக்கு நேர்ந்த கொடுமைகளை அதிகாரிகளிடம் புகாரளித்தார். தான் ரகசியமாக எழுதி வந்த நாட்குறிப்புகளின் அடிப்படையில் அவர் நீதிமன்றத்தில் சாட்சியமளித்தார். இதனைத் தொடர்ந்து, டெய்சியை பாலியல் வன்கொடுமை மற்றும் சித்திரவதை செய்த குற்றத்திற்காக யேட்ஸுக்கு லூயிஸ் கிரவுன் நீதிமன்றம் மூன்றாண்டு கால சிறைத்தண்டனை வழங்கி தீர்ப்பளித்துள்ளது.