முன்னாள் காதலனுடன் ஓட்டல் அறையில் நர்சிங் மாணவி… அடுத்த சில நிமிடங்களில் நடந்த பயங்கரம்… அதிகாலையில் கண்ட அந்த ஒரு காட்சி…!

சிவகங்கை மாவட்டம் சிங்கம்புணரியைச் சேர்ந்த 21 வயது மாணவி பவ்யா, சென்னையில் நர்சிங் படித்து வந்தபோது திரைப்பட ஸ்டுடியோவில் பணியாற்றிய பாரதி பெருமாள் என்பவருடன் காதலில் விழுந்துள்ளார். நீண்ட நாட்களாகத் தொடர்ந்த இவர்களது உறவில் ஏற்பட்ட கருத்து வேறுபாடு காரணமாக, பவ்யா அந்த காதலை முறித்துக் கொண்டுள்ளார். அதன் பிறகு மதுரையைச் சேர்ந்த ஹரி என்பவருடன் பவ்யாவிற்கு காதல் மலர்ந்து, சில தினங்களுக்கு முன்பு இருவரும் ரகசியத் திருமணம் செய்து கொண்டனர். பெற்றோரின் எதிர்ப்பால் உறவினர் வீட்டில் தஞ்சம் புகுந்த நிலையில், திருமணமான சில நாட்களிலேயே கணவன்-மனைவி இடையே மோதல் ஏற்பட்டுள்ளது.

கணவருடன் ஏற்பட்ட வாக்குவாதத்தால் மனமுடைந்த பவ்யா, மீண்டும் சென்னைக்குத் திரும்பி தனது நர்சிங் படிப்பைத் தொடர்ந்துள்ளார். அப்போது, தனது முன்னாள் காதலன் பாரதி பெருமாளுடன் மீண்டும் நட்பு ஏற்பட்டு இருவரும் பழகி வந்துள்ளனர். இந்த நிலையில், கடந்த சில தினங்களுக்கு முன்பு விடுதியில் இருந்து ஊருக்குச் செல்வதாகக் கூறி வெளியேறிய பவ்யா, தனது முன்னாள் காதலனுடன் பெரியமேட்டில் உள்ள ஒரு தனியார் விடுதியில் அறை எடுத்து தங்கியுள்ளார். அங்கு தங்கியிருந்தபோது, இருவருக்கும் இடையே பழைய காதல் விவகாரம் குறித்து கடுமையான வாக்குவாதம் வெடித்ததாகத் தெரிகிறது.

வாக்குவாதம் முற்றிய நிலையில் ஆத்திரமடைந்த பாரதி பெருமாள், தன்னை ஏமாற்றிவிட்டு வேறொருவரைத் திருமணம் செய்துகொண்டதாகக் கூறி, தான் மறைத்து வைத்திருந்த அரிவாளால் பவ்யாவை சரமாரியாக வெட்டியுள்ளார். இதில் பவ்யா இரத்த வெள்ளத்தில் சம்பவ இடத்திலேயே பரிதாபமாக உயிரிழந்தார். பவ்யாவின் இறப்பை உறுதி செய்த பின்னர், குற்ற உணர்ச்சியிலும் விரக்தியிலும் பாரதி பெருமாள் அதே அறையில் தூக்கிட்டுத் தற்கொலை செய்துகொண்டார். அடுத்த நாள் காலை நீண்ட நேரமாகியும் அறை திறக்கப்படாததால் சந்தேகமடைந்த விடுதி ஊழியர்கள், கதவை உடைத்துப் பார்த்தபோது இருவரும் சடலமாக மீட்கப்பட்டனர்.

தகவலறிந்து விரைந்து வந்த பெரியமேடு காவல்துறையினர், இருவரின் உடல்களையும் கைப்பற்றி பிரேதப் பரிசோதனைக்காக அரசு மருத்துவமனைக்கு அனுப்பி வைத்தனர். ஒரே நேரத்தில் நடந்த இந்த கொலையும் தற்கொலையும் அப்பகுதியில் பெரும் பரபரப்பை ஏற்படுத்தியுள்ளது. இந்தத் துயரச் சம்பவம் தொடர்பாக வழக்குப் பதிவு செய்துள்ள போலீசார், காதலில் ஏற்பட்ட துரோகமா அல்லது வேறு ஏதேனும் காரணங்கள் உள்ளனவா என்ற கோணத்தில் தீவிர விசாரணை நடத்தி வருகின்றனர். ஒரு இளம் நர்சிங் மாணவியின் வாழ்க்கை இத்தகைய கோரமான முடிவைச் சந்தித்தது அவரது குடும்பத்தினரிடையே பெரும் சோகத்தை ஏற்படுத்தியுள்ளது.