“மொட்டை மாடி மற்றும் படிக்கட்டுகளில் கிடந்த உடல்கள்…” மிரண்டு போன போலீஸ்…. ஓய்வுபெற்ற ஆசிரியர் குடும்பத்திற்கு நேர்ந்த சோகம்…. நடந்தது என்ன…? பகீர் சம்பவம்…!!

வங்கதேசத்தின் ரங்பூர் நகரில் உள்ள தாஸ்பாறை பகுதியில், ஓய்வுபெற்றப் பள்ளி ஆசிரியரான கணபதி சக்ரவர்த்தி (65), அவரது மனைவி பிரீதிலதா (50), மகள் ஆகமி (23) மற்றும் 12 வயது மகன் பிரியம் ஆகிய ஒரே குடும்பத்தைச் சேர்ந்த 4 பேர் பூட்டப்பட்ட வீட்டின் உள்ளே கொடூரமான முறையில் கொலை செய்யப்பட்டுப் பிணமாகக் கண்டெடுக்கப்பட்டனர்.

கடந்த வியாழக்கிழமை முதல் குடும்பத்தினரின் தொலைபேசிகள் அனைத்தும் அணைக்கப்பட்டிருந்த நிலையில், சந்தேகமடைந்த உறவினர்கள் சனிக்கிழமை இரவு நேரில் சென்று பார்த்துள்ளனர். வீட்டின் கதவு பூட்டப்பட்டு விளக்குகள் அனைத்தும் அணைக்கப்பட்டிருந்ததால், போலீசாருக்கு தகவல் தெரிவிக்கப்பட்டது. சம்பவ இடத்திற்கு வந்த பொலிஸார் கதவின் பூட்டை உடைத்து உள்ளே சென்று பார்த்தபோது, மொட்டை மாடி, படிக்கட்டு மற்றும் கட்டிலின் அடியில் என வீட்டின் வெவ்வேறு இடங்களில் 4 பேரின் சடலங்களும் மீட்கப்பட்டன.

வீட்டிலிருந்த பொருட்கள் அனைத்தும் சிதறிக்கிடந்ததால், நகை மற்றும் பணத்தைக் கொள்ளையடிப்பதற்காகக் கழுத்தை நெரித்துக் இக்கொடூரக் கொலையைச் செய்திருக்கலாம் என பொலிஸார் சந்தேகிக்கின்றனர். இச்சம்பவம் குறித்துச் சிறப்புப் புலனாய்வுக் குழுவினர் வழக்குப் பதிவு செய்து தீவிர விசாரணை நடத்தி வருகின்றனர். வங்கதேசத்தில் சிறுபான்மையினரான இந்துக்கள் மீது தொடர்ச்சியாகத் தாக்குதல்கள் நடத்தப்பட்டு வரும் நிலையில், இச்சம்பவம் அப்பகுதி மக்களிடையே பெரும் பீதியை ஏற்படுத்தியுள்ளது.