இனி கூட்டணியே கிடையாது.. பாஜக தனித்து தான் போட்டி… அமித்ஷா அதிரடி அறிவிப்பு..!

தெலங்கானா மற்றும் பஞ்சாப் உள்ளிட்ட மாநிலங்களில் வரவிருக்கும் அடுத்தடுத்த தேர்தல்களில் பாரதிய ஜனதா கட்சி எந்தவொரு கூட்டணியும் இல்லாமல் தனித்துப் போட்டியிடும் என்று மத்திய உள்துறை அமைச்சர் அமித்ஷா அதிரடியாக அறிவித்துள்ளார். இனிமேல், நாட்டின் அனைத்து மாநிலங்களிலும் தனித்துப் போட்டியிட்டுத் தனிப்பெரும்பான்மையுடன் ஆட்சிக்கு வருவதே தங்களது முக்கிய இலக்கு என்று அவர் தெளிவுபடுத்தியுள்ளார். குறிப்பாக, தென் மாநிலங்களில் கட்சியின் செல்வாக்கை உயர்த்தவும், அடிமட்ட அளவில் கட்சியை வலுப்படுத்தவும் பாஜக தற்போதிலிருந்தே தனி கவனம் செலுத்திப் பணியாற்றி வருவதாக அவர் குறிப்பிட்டுள்ளார்.

மேலும், பாஜாக ஆளும் மாநிலங்களில் மிக விரைவில் ‘பொது சிவில் சட்டம்’ முழுமையாக அமல்படுத்தப்படும் என்றும் அமித்ஷா தனது உரையில் உறுதியளித்துள்ளார். கூட்டணி அரசியல் என்ற நிலையைத் தாண்டி, சொந்த பலத்தில் ஆட்சியைப் பிடிப்பதற்கான இந்த வியூகம், இந்திய அரசியல் களத்தில் குறிப்பாகத் தென் மாநிலங்களில் பெரும் பரபரப்பை ஏற்படுத்தியுள்ளது. இந்தத் தனித்துப் போட்டி முடிவானது, பிராந்திய கட்சிகளுடனான பாஜகவின் எதிர்கால அரசியல் நகர்வுகளில் ஒரு மிகப்பெரிய மாற்றத்தைக் குறிக்கிறது.