“மேடம் அவரு நடிக்கிறாரு மேடம்!… 5 வருடத்தில் காணாமல் போய்விடுவார்”.. முதல்வர் விஜய்யை வறுத்தெடுத்த பாஜக செய்தி தொடர்பாளர்… எகிறும் அரசியல் அனல்…!!

தமிழகத்தில் சமீபத்தில் நடந்து முடிந்த சட்டசபை தேர்தலில் விஜய் தலைமையிலான தமிழக வெற்றிக் கழகம் (தவெக), திமுக கூட்டணிக் கட்சிகளின் ஆதரவுடன் ஆட்சி அமைத்துள்ளது. விஜய் முதல்வராகப் பொறுப்பேற்று, சட்டசபையில் தனது பெரும்பான்மையையும் நிரூபித்துள்ள நிலையில், புதுவை மாநில பாஜக செய்தி தொடர்பாளர் அருள் முருகன் அவர் மீது கடுமையான விமர்சனங்களை முன்வைத்துள்ளார். விஜய்யின் வெற்றி என்பது ஒரு ‘மைனாரிட்டி’ அரசாங்கம் என்றும், இது நீண்ட காலத்திற்கு நிலைக்காது என்றும் அவர் சாடியுள்ளார்.

விஜய் தேர்தல் சமயத்தில் கோயிலுக்குச் சென்றதும், கையில் வேல் ஏந்தி முருகனை வழிபட்டதும் வெறும் நாடகம் என்று அருள் முருகன் விமர்சித்துள்ளார். தேர்தலில் வெற்றி பெற்றவுடன் அவர் பெரியார் திடலுக்குச் சென்று கி. வீரமணியைச் சந்தித்ததைச் சுட்டிக்காட்டிய அவர், விஜய் ஒரு “இந்து விரோதி” என்றும், தேர்தலில் வெற்றி பெறுவதற்காகவே நெற்றியில் பொட்டு வைப்பது போன்ற ஏமாற்று வேலைகளில் ஈடுபட்டார் என்றும் காரசாரமாகக் குற்றம் சாட்டினார். சனாதனம் குறித்துப் பேசுபவர்கள் விரைவில் அரசியல் முகவரியை இழப்பார்கள் என்றும் அவர் எச்சரித்துள்ளார்.

மேலும், விஜய்யின் இந்த வெற்றியானது மக்கள் விரும்பி அளித்த வெற்றி அல்ல என்றும், நடிகர்கள் மீதான மோகத்தால் குழந்தைகள் தங்கள் தாத்தா பாட்டியிடம் கெஞ்சிப் பெற்றுத் தந்த வாக்குகள் என்றும் அவர் கூறியுள்ளார். அரவிந்த் கெஜ்ரிவால், ஜெகன்மோகன் ரெட்டி மற்றும் சிரஞ்சீவி ஆகியோரது அரசியல் பயணத்தைப் போலவே, விஜய்யின் அரசியலும் காலப்போக்கில் காணாமல் போய்விடும் என்றும், இன்ஸ்டாகிராம் புகழால் மட்டுமே இந்த வெற்றி சாத்தியமானது என்றும் தனது பேட்டியில் அவர் சுட்டிக்காட்டியுள்ளார்.

முன்னாள் முதல்வர் ஜெயலலிதா கூறிய “திருக்குவளை பார்முலா”வைத்தான் விஜய்யும் பின்பற்றுவதாகத் தாக்கிய அருள் முருகன், பிரபலமான நடிகைகளுடன் ஜோடி சேர்ந்து நடித்து மட்டுமே விஜய் பிரபலமானார் என்று தனிப்பட்ட ரீதியிலும் விமர்சித்துள்ளார். திமுக மற்றும் அதிமுகவை உடைத்துத் தவெக ஆட்சி அமைத்துள்ளதாகக் குறிப்பிட்ட அவர், அடுத்த ஐந்து ஆண்டுகளில் விஜய்யின் ஆட்சி பற்றி மக்களுக்குத் தெளிவாகப் புரிந்துவிடும் என்றும், அதன்பின் அவர் அரசியலில் இருந்து மறைந்துவிடுவார் என்றும் தனது அதிருப்தியை வெளிப்படுத்தியுள்ளார்.