தமிழகத்தில் சட்டமன்ற தேர்தலுக்கான முன்னேற்பாடுகளாக அரசியல் கட்சியினர் தங்களின் கட்சிகளை வலுப்படுத்தி வருகிறார்கள். அந்தவகையில் பாஜகவும் இம்முறை எப்படியாவது தமிழகத்தில் காலூன்ற வேண்டும் என்று போராடி வருகிறது. இந்நிலையில் நேற்று டெல்லி சென்ற நயினார் நாகேந்திரன் அங்கு மத்திய உள்துறை அமைச்சர் அமித் ஷா, மத்திய சுகாதாரத் துறை அமைச்சர் ஜே.பி.நட்டா, பாஜக மாநில தேர்தல் ஒருங்கிணைப்பாளர் பைஜயிந்த் பாண்டா உள்ளிட்ட பாஜக தேசிய தலைவர்களை சந்தித்து பேசினார்.
இந்த சந்திப்பில் வர இருக்கும் சட்டப்பேரவை தேர்தலில் பாஜகவுக்கான தொகுதி பங்கீடுகள், கூட்டணியில் ஓபிஎஸ், டிடிவி தினகரன் ஆகியோரை இணைப்பது குறித்தும் ஆலோசிக்கப்பட்டதாக தகவல் வெளியாகியுள்ளது.