தமிழகத்தில் 2026 ஆம் ஆண்டு சட்டமன்றத் தேர்தல் நடைபெறுவதற்கு இன்னும் சில மாதங்கள் மட்டுமே இருப்பதால் தற்போது தேர்தல் களம் சூடு பிடிக்க தொடங்கிவிட்டது. அதிமுக மற்றும் திமுக இடையே தான் போட்டி என்ற நிலை இருந்த நிலையில் தற்போது விஜயும் களத்தில் இறங்கியுள்ளதால் 2026 தேர்தல் களம் பரபரப்பாக பார்க்கப்படுகிறது. இருந்தாலும் விஜய்யை தங்கள் கூட்டணியில் இணைப்பதற்கு பாஜக மற்றும் அதிமுக முயற்சி செய்து வருவதாகவும் கூறப்படுகிறது. ஆனால் விஜய் பாஜக மற்றும் திமுகவை தங்கள் எதிரி என்று கூறிக் கொண்டிருக்க அது எப்படி சாத்தியமாகும் என்பதும் ஒரு பக்கம் கேள்விக்குறியாக தான் உள்ளது.
இருந்தாலும் சமீபத்தில் கரூரில் நடைபெற்ற விவகாரத்தை தங்களுக்கு சாதகமாக பயன்படுத்திக்கொண்டு பாஜக விஜயை தங்கள் பக்கம் இழுப்பதற்கான முயற்சிகளை எடுத்து வருவதாக தெரிகிறது. இந்நிலையில் திமுக எதிர்ப்பு வாக்குகள் பிரிந்து விடக்கூடாது, எதிர்க்கட்சிகள் உதிரியாக இல்லாமல் உறுதியாக இருக்க வேண்டும் என தமிழிசை சௌந்தரராஜன் கூறியுள்ளார். அப்படி எதிர்க்கட்சிகள் உறுதியாக இருக்க தேவையான நடவடிக்கைகளை எடுத்தாக வேண்டும் என கூறிய அவர், இதனைப் புரிந்து கொள்ள வேண்டியது விஜய்யின் கடமை எனவும் தெரிவித்துள்ளார்.
மேலும் ஓபிஎஸ், டிடிவி தினகரனுக்கும் இது பொருந்தும் என்று அவர் சூசகமாக தெரிவித்துள்ளார். இதன் மூலம் விஜய் கூட்டணிக்கு வருவதற்கு பாஜக மறைமுகமாக அழைப்பு விடுத்துள்ளது. ஒருவேளை பாஜகவின் அழைப்பை ஏற்று விஜய் கூட்டணியில் அமைந்தால் அது பொது மக்களுக்கு அதிர்ச்சியாக இருக்கும். காரணம் பாஜகவை தொடர்ந்து தங்களுடைய எதிரி என்று கூறிவரும் விஜய் கூட்டணி அமைத்தால் அது மக்கள் மத்தியில் அதிர்ச்சியை ஏற்படுத்தும் என தெரிகிறது.