பாமகவில் அப்பா மகன் இடையேயான மோதல் உச்சத்தை எட்டி இருக்கும் நிலையில் யார் பக்கம் கட்சி உள்ளது என்று தெரியாமல் தொண்டர்கள் குழம்பி வருகிறார்கள். ராமதாஸ் தரப்பு நிர்வாகிகளை அன்புமணியும், அன்புமணி தரப்பு நிர்வாகிகளை ராமதாசும் மாறி மாறி கட்சியிலிருந்து நீக்கி வருகிறார்கள். அதே சமயம் கட்சியின் பொதுச்செயலாளர் நாம்தான் என்று இருவரும் மாறி மாறி கூறிவரும் நிலையில் தேர்தலும் ஒரு பக்கம் நெருங்கிக் கொண்டிருக்கிறது.
பாமக யாருடன் கூட்டணி அமைக்க போகிறது என்ற எதிர்பார்ப்பும் நிலவி வருகிறது. அப்பா மற்றும் மகன் மோதலால் பாமக பிரிந்திருக்கும் நிலையில் அன்புமணி கூட்டணி பேச்சு வார்த்தையில் ஈடுபட்டு வருவதாக பாமக மாநில ஒருங்கிணைப்பாளர் கார்த்தி தெரிவித்துள்ளார். பொங்கலுக்கு முன்பாக கூட்டணி அறிவிப்பு வெளியாகும் என்று அறிவித்த அவர், திமுகவை வீட்டுக்கு அனுப்பவும் வெற்றி கூட்டணியிலேயே பாமக இடம்பெறும் என்றும் கூறியுள்ளார். இந்நிலையில் பாமக அதிமுகவுடன் கூட்டணி அமைக்க வாய்ப்புள்ளதாக கூறப்படுகிறது.