அவரை நம்பாதீங்க… நம்பினால் அது தான் நடக்கும்… சூர்யாவுக்கு பகிரங்க எச்சரிக்கை விடுத்த பிரபலம்..!

சிறுத்தை சிவா இயக்கத்தில் சூர்யா, பாபி தியோல், திஷா பதானி உள்ளிட்டோர் நடிப்பில் மிக பிரம்மாண்டமாக உருவாகியுள்ள திரைப்படம் தான் கங்குவா. இந்த திரைப்படத்தை ஞானவேல் ராஜாவின் ஸ்டூடியோ கிரீன் நிறுவனம் தயாரித்திருந்த நிலையில் படத்திற்கு தேவி ஸ்ரீ பிரசாத் இசையமைத்துள்ளார். படத்தின் சண்டைக் காட்சிகளை சுப்ரீம் சுந்தர் மாஸ்டர் இயக்கியுள்ள நிலையில் கடந்த இரண்டரை ஆண்டுகளாக பெரும் பொருட்செலவில் உருவாக்கப்பட்ட இந்த திரைப்படத்திற்கு ரசிகர்கள் மத்தியில் பெரும் எதிர்பார்ப்பு இருந்தது.

இதனைத் தொடர்ந்து சில தினங்களுக்கு முன்பாக படம் ரிலீஸ் ஆகியுள்ள நிலையில் படத்தின் ப்ரோமோசனை ஒரு மாதத்திற்கு முன்னர் இருந்து படக்குழு தொடங்கிவிட்டது. அது மட்டுமல்லாமல் படத்தின் தயாரிப்பாளர் ஞானவேல் ராஜா படம் குறித்து தான் எங்கு பேசினாலும் பெரும் நம்பிக்கையோடு பேசி வந்தார். இதனை பலரும் ஓவர் பில்டப்பாக பார்த்த நிலையில் படம் 2000 கோடிகளை அசால்டாக வசூல் செய்யும் என்றும் படம் ஹாலிவுட் தரத்திற்கு உள்ளது எனவும் கூறினார்கள்.

பாலிவுட்டில் இந்த படத்தை மிகவும் கவனமாக கண்காணித்து வருகிறார்கள். சூர்யா இதுவரை நடித்த படங்களிலேயே அதிக பட்ஜெட்டில் இந்த திரைப்படம் தான் உருவாகியுள்ளது என ப்ரோமோஷன் நிகழ்ச்சிகள் தொடர்ந்து படத்திற்கு பில்டப் கொடுத்து வந்தனர். சென்னை தொடங்கி மலேசியா வரை படத்தின் ப்ரோமோஷன் நடைபெற்றது. இப்படியான நிலையில் படம் கலவையான விமர்சனங்களை பெற்று வருகின்றது. சூர்யா கொடுத்த பில்டப்பை நம்பி படத்தை பார்க்க சென்ற ரசிகர்களுக்கு ஏமாற்றம் தான் மிஞ்சியது என்று புலம்புகிறார்கள் அவருடைய ரசிகர்கள்.

பலரும் படம் குறித்து விமர்சனம் செய்த நிலையில் கங்குவா திரைப்படம் சுமார் 350 கோடி பட்ஜெட்டில் எடுக்கப்பட்டது. படம் முதல் நாள் 58 கோடி ரூபாய் தான் வசூல் செய்தது. இப்படி வசூல் சுமாராக தான் இதுவரை போய்க்கொண்டிருக்கிறது. இந்நிலையில் கங்குவா குறித்து பேசிய வலைப்பேச்சு பிஸ்மி, சூர்யா, ஒரு நடிகரின் பயணத்தில் ஏற்ற தாழ்வுகள் இயல்பானது. தனஞ்செயனை நம்பாதீங்க. நம்பிவிட்டால் கங்குவா 2 வில் கூட நீங்க வாய்ப்பிருக்கு. இது உங்க திரையுலக வாழ்க்கையை முழுவதுமாக முடிக்கக்கூடும். நடிகர்களுக்கு அருகில் பல ஜால்ராக்கள் இருக்கிறார்கள். கவனமாக இருங்கள் என்று கூறியுள்ளார்.