பஸ் ஸ்டாண்ட் ரோடு சிக்னல்கள் கடை வீதிகள் என பெரும்பாலான இடங்களில் பலரும் பிச்சை எடுப்பதை நாம் பார்க்கிறோம். வயதானவர்கள் மாற்றுத்திறனாளிகள் நோயாளிகள் என பலரும் கையேந்தி பிச்சை கேட்கின்றனர். குறிப்பாக ரயிலில் பயணிக்கும் பலருக்கும் இந்த அனுபவம் இருக்கும். ஏனெனில் ரயிலில் பிச்சை எடுப்பவர்கள் நாளுக்கு நாள் அதிகரித்து வருகின்றனர்.
இந்நிலையில் பீகாரில் ரயிலில் பிச்சை எடுத்த பெண்ணுக்கு உதவி செய்த இளைஞர் அந்தப் பெண்ணை தனது வீட்டுக்கு அழைத்துச் சென்று தனது பெற்றோர் அனுமதியுடன் திருமணம் செய்து கொண்டார். கோலு யாதவ் என்ற அந்த இளைஞரின் இந்த மனிதாபிமான செயல் இணையத்தில் வைரலாகி வருகிறது. கடினமான காலங்களிலும் உண்மையான அன்பும் மனிதநேயகமும் இன்னும் இருப்பதை நிரூபிக்கும் நிகழ்வாக பீகார் இளைஞர் ரயிலில் பிச்சை எடுத்த பெண்ணுக்கு வாழ்வு தந்தது இணையத்தில் வைரலாகி வருகிறது.