சென்னையில் நடந்த ஜல்லிக்கட்டு போராட்டத்தில் கலந்துகொண்டு இணையத்தில் வைரலானவர் ஜூலி. அதன்பிறகு விஜய் டிவியில் பிக்பாஸ் நிகழ்ச்சியில் சீசன் 1ல் போட்டியாளராக கலந்துக்கொண்டார். இந்த நிகழ்ச்சி மூலம் ஜூலிக்கு நல்ல அறிமுகமும் வரவேற்பும் கிடைத்தாலும் கடும் விமர்சனங்களையும் அவர் எதிர்கொண்டார் என்பதும் குறிப்பிடத்தக்கது. இதன்பின் ஜூலி சில திரைப்படங்களில் நடித்தார். ஆனால் பெரிய அளவில் மக்கள் மத்தியில் இவருக்கு வரவேற்பு கிடைக்கவில்லை.
இந்நிலையில் தற்போது ஜூலிக்கு நிச்சயதார்த்தம் நடந்து முடிந்துள்ளது. அவர் தனது நிச்சயதார்த்த புகைப்படங்களை இன்ஸ்டாகிராம் பக்கத்தில் வெளியிட்டுள்ளார். வருங்கால கணவருடன் எடுத்துக்கொண்ட புகைப்படங்களை ஜூலி அதில் பதிவிட்டு இருந்தாலும் வருங்கால கணவருடைய முகத்தை காட்டவில்லை. அவர் யார் என்பதில் சஸ்பென்ஸ் நீடிக்கிறது. விரைவில் திருமணம் நடக்க உள்ள நிலையில் ரசிகர்கள் பலரும் ஜூலிக்கு வாழ்த்துகளை தெரிவித்து வருகின்றனர்.