சத்தமில்லாமல் திருமணத்தை முடித்த பிக் பாஸ் விக்ரமன்… வைரலாகும் வெட்டிங் போட்டோஸ்…

விக்ரமன் தமிழ் சினிமாவில் நடிகர் தமிழ் சொற்பொழிவாளர் மற்றும் அரசியல்வாதி ஆவார். 2016 ஆம் ஆண்டு நடந்தது என்ன குற்றமும் பின்னணியும் என்ற நிகழ்ச்சியின் மூலமாக தனது கேரியரை ஆரம்பித்தார் விக்ரமன். அடுத்ததாக விஜய் டிவியின் தொடர்களில் நாயகனாக நடிக்க ஆரம்பித்தார் விக்ரமன். தவணை முறையில் வாழ்க்கை விண்ணைத்தாண்டி வருவாயா போன்ற தொடர்களில் நடித்து பிரபலமானார் விக்ரமன்.

பின்னர் 2020 ஆம் ஆண்டு விடுதலை சிறுத்தைகள் கட்சியில் சேர்ந்த விக்ரமன் 2022 வரை செய்தி தொடர்பாளராக இருந்தார். பின்னர் 2022 ஆம் ஆண்டு பிக் பாஸ் தமிழ் சீசன் 6ல் போட்டியாளராக பங்கேற்று சிறப்பாக விளையாடினார். விக்ரமன் தனது அபாரமான தமிழ் பேச்சினால் பல ரசிகர்களை பெற்றார்.

இவர்தான் பிக் பாஸ் நிகழ்ச்சியின் வெற்றியாளராக வருவார் என்று ரசிகர்கள் பெரிதும் எதிர்பார்த்த நிலையில் இரண்டாம் இடத்தை பிடித்தார் விக்ரமன். அதற்கு அடுத்ததாக பல குற்றச்சாட்டுகளில் சிக்கி இருந்தார் விக்ரமன். இவரது முன்னாள் காதலி என்று சொல்லிக்கொண்டு ஒருவர் இவர் மீது புகார் அளிக்க உள்ளதாக பல செய்திகள் வெளியானது.

இந்நிலையில் இன்று பிக் பாஸ் புகழ் விக்ரமன் சத்தம் இல்லாமல் தனது திருமணத்தை முடித்து இருக்கிறார். இந்த திருமண புகைப்படத்தை தனது இன்ஸ்டா வலைதள பக்கத்தில் பகிர்ந்து இருக்ககிறார். இதை பார்த்த ரசிகர்கள் சர்ப்ரைஸ் ஆகி வாழ்த்துக்களை தெரிவித்து வருகின்றனர். தற்போது இவர்களது திருமண போட்டோக்கள் இணையத்தில் வைரலாகி வருகிறது.