அப்பாடா… நிம்மதி பெருமூச்சு விட்ட தமிழ் சினிமா ரசிகர்கள் – மருத்துவமனையில் இருந்து அவரை டிஸ்சார்ஜ் செய்துட்டாங்க!

தமிழ் சினிமா ரசிகர்களால் இயக்குனர் இமயம் என்று கொண்டாடப்படுபவர் மூத்த இயக்குனர் பாரதிராஜா. 84 வயதான நிலையில் உடல் நலத்தில் முதுமையால் வரும் பாதிப்புகள் மற்றும் கடந்த ஆண்டில் அவரது ஒரே மகன் மனோஜ் மறைவு காரணமாக பாரதிராஜா உடல் நலம் பாதிக்கப்பட்டது. கடந்தாண்டு டிசம்பர் மாத இறுதியில் சென்னையில் உள்ள தனியார் மருத்துவமனையில் இயக்குனர் பாரதிராஜா அனுமதிக்கப்பட்டார்.

அவரது உடல்நிலை குறித்து அவ்வப்போது வதந்தி பரவிய நிலையில் மருத்துவமனை நிர்வாகம் மருத்துவ அறிக்கை அளித்து, அவர் சிகிச்சையில் இருப்பதாக உறுதி அளித்தது. இயக்குனர் ஆர்கே செல்வமணி தலைமையிலான இயக்குனர்கள் குழுவும் மருத்துவனைக்கு நேரில் சென்று அவரது உடல் நலம் குறித்து விசாரித்தது. அவரது உடல் நிலையில் மாற்றம் இல்லை என்றாலும் தீவிர சிகிச்சை அளிப்பதாக தகவல் வெளியானது.

இந்நிலையில் இயக்குனர் பாரதிராஜா மருத்துவமனையில் இருந்து டிஸ்சார்ஜ் செய்யப்பட்டு வீட்டுக்கு அழைத்து செல்லப்பட்டுள்ளார். உடல் நிலையில் முன்னேற்றம் ஏற்பட்டதால் வீட்டிலிருந்து தற்போது அவர் ஓய்வெடுத்து வருகிறார். ஆனாலும் அவரை சந்திக்க யாருக்கும் அனுமதியில்லை. அவர் மறதி மற்றும் சில பிரச்சனைகளால் பாதிக்கப்பட்டிருப்பதால் அவரை குடும்பத்தினர் கவனித்து வருகின்றனர். பல்வேறு பொய்கள் வதந்திகளுக்கு மத்தியில் 84 வயதான அவர் மருத்துவமனையில் இருந்து வீட்டுக்கு திரும்பியுள்ளது ரசிகர்களுக்கு நிம்மதியை தந்துள்ளது. அவர் நலமுடன் நீண்ட காலம் வாழ வேண்டும் என்று அவரது ரசிகர்கள் பிரார்த்தனை செய்து வருகின்றனர்.