தமிழ் சினிமாவில் முதல்முதலாக ஒரு படத்துக்கு இசையமைத்த பெண் யார் தெரியுமா? அட இவர் ஒரு லேடி கமல்ஹாசன் போலயே!

தமிழ் சினிமாவின் ஆரம்ப காலகட்டத்தில் முன்னணி நடிகையாக இருந்தவர் பானுமதி. தமிழ் சினிமா நடிகைகளில் மிகவும் சுயமரியாதை கொண்டவர். எம் ஜி ஆரையே மிஸ்டர் எம் ஜி ஆர் என்று பேர் சொல்லி அழைக்கக் கூடியவர். அதுபோல பலரையும் தூக்கியெறிந்து பேசக் கூடியவர். ஆனால் அவர் பக்கம் நியாயம் இருக்கும் என்பதால் அவருக்கான வாய்ப்புகள் குறையவில்லை.

ஆனால் இவ்வளவு சுயமரியாதையோடு இருந்த பானுமதி, தன்னுடைய காதலுக்காக பல தியாகங்களை செய்து ஒரு அக்மார்க் குடும்பப் பெண்ணாக மாறிய சம்பவமும் நடந்ததுண்டு. பானுமதி நடித்த ஹிட் படங்களில் ஒன்று கிருஷ்ண லீலா. அப்போது புகழின் உச்சத்தில் இருந்தார் பானுமதி. ஆனால் அந்த படத்தின் உதவி இயக்குனரான ராமகிருஷ்ணா என்பவரைக் கண்டதும் காதல் கொண்டார் பானுமதி.

அதனால் சினிமாவை விட்டே விலகி சில ஆண்டுகள் நடிக்காமல் இருந்தார். அதன் பின்னர் நடிக்கவந்து மீண்டும் கலக்கினார்.  அப்படி வந்தவர் நடிக்க மட்டும் செய்யாமல் படங்கள் இயக்கவும் செய்தார். அதுமட்டுமில்லாமல் இசைத்துறையிலும் இவர் கலக்கினார். தொடக்கக் காலம் முதலே இவர் நூற்றுக்கணக்கான பாடல்களை பாடியுள்ளார்.

ஆனால் இவரின் தனிப்பட்ட சாதனை என்று சொல்லவேண்டுமென்றால் தமிழ் சினிமாவில் முதல் முதலாக ஒரு படத்துக்கு இசையமைத்த பெண் இசையமைப்பாளர் இவர்தான். அவர் இப்படியும் ஒரு பெண் என்ற படத்தின் மூலம் இசையமைப்பாளராக அறிமுகமானார்.

அதன்பின்னர்தான் தமிழ் சினிமாவில் ஏ ஆர் ரெஹானா, ஸ்ருதிஹாசன் உள்ளிட்ட பலர் இசையமைப்பாளர்கள் வந்தார்கள். ஆனால் இவர்கள் யாருமே இதுவரை ஆண் இசையமைப்பாளர்களுக்கு போட்டி என்று சொல்லக் கூடிய அளவுக்கு வளரவில்லை என்பதுதான் சோகம்.