படம் உருவாகும் போதே அதன் கதையை பத்திரிக்கையில் வெளியிட்ட பாக்யராஜ் & கமல்ஹாசன்.. எந்தந்த படங்கள் தெரியுமா?

தமிழ் சினிமாவில் நடிகர், இயக்குனர், தயாரிப்பாளர் என பன்முக திறமைகளை கொண்டவர் பாக்கியராஜ். தொடர்ந்து 7 வெள்ளி விழா படங்களைக் கொடுத்த ஒரே தமிழ் இயக்குனர் என்ற பெருமையை பெற்ற பாக்யராஜ், இந்திய அளவிலேயே திரைக்கதை மன்னன் என்ற பெயரைப் பெற்றவர்.

பல படங்களை இயக்கி அப்போது பீக்கில் இருந்த பாக்யராஜ் 1982 ஆம் ஆண்டு நடிப்பு மற்றும் இயக்கத்தில் நான்கு படங்கள் ரிலீஸாகி நான்குமே சூப்பர்ஹிட் ஆனது. அதன் மூலம் அவர் ஒரு முன்னணி கதாநாயக நடிகனானார். அவரே கதாநாயகனாக இருந்ததால் தனக்கான கதைகளை மட்டுமே எழுதவேண்டிய சூழல் வந்ததால் அவரால் இயக்குனராக ஒரு குறிப்பிட்ட காலத்துக்குப் பின்னர் ஜொலிக்க முடியவில்லை.

பாக்யராஜ் இயக்கத்தில் வெளியான சுவரில்லாத சித்திரங்கள் மற்றும் ஒரு கை ஓசை போன்ற படங்கள் வெற்றி பெற்றாலும், அவருக்கு நல்ல இயக்குனர் என்ற அந்தஸ்த்தை பெறவில்லை. அவருக்கு அப்படி ஒரு அந்தஸ்த்தைப் பெற்றுத்தந்த படம் என்றால் அது அவரும் சரிகாவும் சேர்ந்து நடித்த மௌன கீதங்கள் திரைப்படம்தான்.

அந்த படம் ஒரு கணவன் மனைவிக்கு இடையே நடக்கம் ஊடல் கலந்த பிரச்சனைகளை பேசிய படமாக அமைந்தது. இந்த படம்தான் அவர் இயக்கத்தில் வெள்ளிவிழா கண்ட முதல் திரைப்படம். இந்த படத்தை அவர் உருவாக்கிக் கொண்டிருக்கும்போது அதன் கதையைப் பத்திரிக்கையில் வெளியிட்டாராம். படத்தின் கதை முழுவதும் தெரிந்தும் அந்த படம் ரசிகர்களை வெகுவாகக் கவர்ந்து வெள்ளி விழாக் கண்டது. தனது திரைக்கதையின் மேல் உள்ள நம்பிக்கையால்தான் துணிந்து கதையை பாக்யராஜ் வெளியிட்டுள்ளார்.

அதே போல கமல்ஹாசன் விக்ரம் படத்தை எடுக்கும் போதே, அந்த படத்தின் எழுத்தாளர் சுஜாதாவை விக்ரம் தொடர் நாவலை பிரபல பத்திரிக்கையில் எழுத சொல்லியுள்ளார். அவரும் அப்படி எழுத நாவலுக்குக் கிடைத்த வரவேற்பு படம் வெளியான போது அதற்குக் கிடைக்கவில்லை.