ஜப்பான் நாட்டின் யமகட்டா என்ற விமான நிலையத்தில் கரடி ஊடுருவியதால் விமான ஓடுபாதையானது தற்காலிகமாக மூடப்பட்டு விமான சேவைகள் ரத்து செய்யப்பட்டுள்ளது. அதாவது காலை 7 மணிக்கு விமான நிலையத்தின் ஓடுபாதையில் கரடி ஒன்று தென்பட்டுள்ளது. தென்பட்ட சிறிது நேரத்தில் மறைந்துள்ளது .
பிறகு பகல் 12 மணிக்கு மீண்டும் உள்ளே வந்ததால் விமான ஓடுபாதை மூடப்பட்டது. இதனால் டோக்கியோ, ஒசாகா, சப்போரா மற்றும் நகோயோ நகரங்களுக்கு செல்ல இருந்த 10 விமானங்கள் ரத்து செய்யப்பட்டுள்ளன. இதனை அடுத்து உள்ளூர் வேட்டைக்காரர்கள் விமான நிலையத்தில் பொறிகளை வைத்து கரடியை பிடிக்க நடவடிக்கை எடுத்துள்ளார்கள்.