தமிழக வெற்றிக் கழகத் தலைவர் விஜய், நாளை (மே 7) தமிழகத்தின் புதிய முதல்வராகப் பதவியேற்க உள்ளதாகத் தகவல்கள் வெளியாகியுள்ளன. தனது பதவியேற்பு விழாவில் பங்கேற்குமாறு காங்கிரஸ் மூத்த தலைவர் ராகுல் காந்தி உள்ளிட்ட முக்கியத் தலைவர்களுக்கு அவர் அழைப்பு விடுத்துள்ளார். தவெக-வுக்குத் தனிப்பெரும்பான்மை கிடைக்காத சூழலில், காங்கிரஸ் உள்ளிட்ட கூட்டணிக் கட்சிகளின் ஆதரவுடன் ஆட்சியமைக்க விஜய் திட்டமிட்டுள்ள நிலையில், இந்த அழைப்பு அரசியல் முக்கியத்துவம் பெற்றுள்ளது.
திராவிடக் கட்சிகள் அல்லாத மாற்று ஆட்சியைத் தமிழகத்தில் நிலைநிறுத்தும் நோக்கில், ராகுல் காந்தி உள்ளிட்ட கூட்டணிக் கட்சித் தலைவர்களை ஒருங்கிணைப்பதில் விஜய் தீவிரம் காட்டி வருகிறார். நாளை நடைபெறும் பதவியேற்பு விழா தமிழக அரசியலில் ஒரு புதிய சகாப்தத்தின் தொடக்கமாகக் கருதப்படுகிறது.