தமிழ் சினிமா ரசிகர்களின் சூப்பர் ஸ்டாராக திகழ்ந்து வரும் ரஜினிகாந்த், தமிழ் சினிமாவின் பல முன்னணி இயக்குனர்களுடன் பணிபுரிந்தவர். இப்போது தமிழ் சினிமாவின் லேட்டஸ்ட் இயக்குனர்களான கார்த்திக் சுப்புராஜ், பா.ரஞ்சித், நெல்சன் ஆகியோரின் திரைப்படங்களிலும் ரஜினிகாந்த் நடித்திருக்கிறார்.
காலத்திற்கு ஏற்றார் போல் அப்டேட் செய்துகொள்ளும் திறன் கொண்ட ரஜினிகாந்த் 2K கிட்ஸ்களையும் கவரும் வண்ணம் தனது திரைப்படங்களில் நடித்து வருகிறார். தற்போது தா.செ.ஞானவேல் இயக்கத்தில் “வேட்டையன்” திரைப்படத்தில் நடித்து வரும் ரஜினிகாந்த், அதற்கடுத்ததாக தனது 171 ஆவது திரைப்படத்தில் இயக்குனர் லோகேஷ் கனகராஜ்ஜுடன் கைக்கோர்க்கிறார்.
லோகேஷ் கனகராஜ் ரஜினியை வைத்து இயக்கப்போகும் திரைப்படத்தின் டைட்டில் டீசர் வருகிற 22 ஆம் தேதி வெளியாகவுள்ளது. இத்திரைப்படத்தின் அப்டேட்டிற்காக ரசிகர்கள் பலரும் வெறித்தனமாக காத்துக்கொண்டிருக்கின்றனர்.
இந்த நிலையில் இயக்குனர் ஹரி, சமீபத்தில் ஒரு பேட்டியில் கலந்துகொண்டபோது ஒரு சுவாரஸ்யமான தகவலை அளித்துள்ளார். அதாவது ஹரி தான் இயக்கிய “ஐயா” திரைப்படத்தின் கதையை முதலில் ரஜினிகாந்திடம்தான் கூறினாராம். ஆனால் ரஜினிகாந்த் அத்திரைப்படத்தில் நடிக்க முடியாமல் போனதாம்.
அதற்கு பிறகுதான் அந்த கதை சரத்குமாரிடம் சென்றிருக்கிறது. அவ்வாறுதான் “ஐயா” திரைப்படத்தில் சரத்குமார் நடிக்க நேர்ந்தது. இத்திரைப்படம்தான் நயன்தாரா தமிழில் அறிமுகமான முதல் திரைப்படம் என்பது குறிப்பிடத்தக்கது.
