கேட்க நீ யார்ரா?… பாலிஷ் துர்நாற்றத்தை தட்டி கேட்டவர் மீது மரக்கட்டைத் தாக்குதல்… மூக்கு எலும்பு முறிய அடித்து நொறுக்கிய மர்ம நபர்… பெங்களூரில் நடந்த அதிர்ச்சி சம்பவம்…!

பெங்களூரு புத்தெனஹள்ளியில் ராகவேந்திரா என்ற நபர், விஜீத் என்பவரால் மரக்கட்டையால் தாக்கப்பட்டதாகக் குற்றம் சாட்டப்பட்டுள்ளது. அடுக்குமாடி குடியிருப்பின் முன் விஜீத் மரச்சாமான்களுக்கு பாலிஷ் போடும் பணியை மேற்கொண்டுள்ளார். அப்போது, பாலிஷ் மற்றும் அதில் பயன்படுத்தப்படும் ரசாயனங்களின் கடும் துர்நாற்றம் தனக்கு அசௌகரியத்தை ஏற்படுத்துவதாக ராகவேந்திரா புகார் தெரிவித்துள்ளார்.

இந்தப் பணி அன்றைய தினமே முடிவடைந்துவிடும் என்று ராகவேந்திராவிடம் விஜீத் உறுதியளித்திருந்தார். ஆனால், மறுநாளும் அதே இடத்தில் தொழிலாளர்கள் மரச்சாமான்களுக்கு பாலிஷ் போடும் பணியில் மீண்டும் ஈடுபட்டிருந்தனர். பணி ஏன் தொடர்கிறது என்று ராகவேந்திரா சென்று கேட்டபோது, “கேட்பதற்கு நீ யார்?” என்று விஜீத் அவருடன் வாக்குவாதத்தில் ஈடுபட்டுள்ளார்.

https://twitter.com/HateDetectors/status/2108521273169195513/video/1

அருகில் கிடந்த மரக்கட்டையை எடுத்த விஜீத், ராகவேந்திராவைத் தாக்கியதாகக் கூறப்படுகிறது. இந்தத் தாக்குதலில் ராகவேந்திராவின் மூக்கு எலும்பு முறிவு உட்பட அவருக்குக் பலத்த காயங்கள் ஏற்பட்டுள்ளன. இந்த சம்பவம் அங்குள்ள சிசிடிவி கேமராவில் பதிவாகியுள்ளது. இச்சம்பவம் தொடர்பாக புத்தெனஹள்ளி காவல் நிலையத்தில் வழக்குப்பதிவு செய்யப்பட்டு, மேல் விசாரணை நடைபெற்று வருகிறது.