“என் புருஷன் மேல எனக்கு சந்தேகம்”… தூக்கத்தில் அலறிய கணவன்… கையில் ரத்தக்கறை படிந்த கத்தியுடன் மனைவி… நள்ளிரவில் நடந்த பயங்கரம்…!!

உத்தரப் பிரதேச மாநிலம் மீரட் அருகே குடும்பத் தகராறு காரணமாக கணவரின் அந்தரங்கப் பகுதியை கத்தியால் தாக்கிய புகாரில் மனைவி கைது செய்யப்பட்டுள்ள சம்பவம் அப்பகுதியில் பெரும் அதிர்ச்சியை ஏற்படுத்தியுள்ளது.

தம்பதியரிடையே கடந்த சில நாட்களாகவே கருத்து வேறுபாடு காரணமாக கடுமையான வாக்குவாதம் ஏற்பட்டு வந்துள்ளது. இதன் தொடர்ச்சியாக, கணவர் அயர்ந்து தூங்கிக் கொண்டிருந்த வேளையில், ஆத்திரமடைந்த மனைவி சமையலறை கத்தியால் அவரைத் தாக்கியுள்ளார். படுகாயமடைந்த கணவரின் அலறல் சத்தம் கேட்டு ஓடிவந்த அண்டை வீட்டார், உடனடியாக அவரை மீட்டு தீவிர சிகிச்சைக்காக அருகில் உள்ள மருத்துவமனையில் அனுமதித்தனர்.

சம்பவம் குறித்து வழக்குப் பதிவு செய்த போலீசார், தாக்குதல் நடத்திய பெண்ணைக் கைது செய்து விசாரணை மேற்கொண்டு வருகின்றனர். காயமடைந்த நபருக்கு மருத்துவர்கள் தீவிர சிகிச்சை அளித்து வரும் நிலையில், குடும்பப் பிரச்சினையின் பின்னணி மற்றும் இந்த தீவிர முடிவிற்கான காரணம் குறித்து அதிகாரிகள் தொடர்ந்து விசாரித்து வருகின்றனர்.