தமிழக அமைச்சர்கள் மற்றும் அதிகாரிகளைக் கண்காணிப்பதற்காக அமைக்கப்பட்டுள்ள சிறப்புக்குழுவின் உளவுத்துறை அறிக்கையை, முதலமைச்சர் விஜய் படிப்பதற்கு முன்பே ஜான் ஆரோக்கியசாமி என்பவர் பார்வையிடுவதாகப் புதிய தகவல் ஒன்று வெளியாகி அரசியல் வட்டாரத்தில் பெரும் பரபரப்பை ஏற்படுத்தியுள்ளது. அரசின் மிக உயரிய ரகசியமாகக் கருதப்படும் இந்த உளவுத்துறை ரிப்போர்ட், முதலமைச்சரின் கைகளுக்குச் செல்லும் முன்பே வெளியில் உள்ள ஒரு நபர் கைகளுக்கு மாறுவது நிர்வாக ரீதியாகப் பல அதிர்வலைகளை உருவாக்கியுள்ளது.
இந்த ரகசிய அறிக்கையைத் தமிழக அரசின் சீனியர் அமைச்சர் ஒருவரும், முதலமைச்சரின் பாதுகாப்புப் பிரிவில் இருக்கும் உயர் அதிகாரி ஒருவரும் சேர்ந்து வாட்ஸ்ஆப் வாயிலாக ஜான் ஆரோக்கியசாமிக்கு அனுப்பி வைப்பதாகக் கூறப்படுகிறது. உளவுத்துறையின் மிக முக்கியத் தரவுகள் இவ்வாறு டிஜிட்டல் தளங்கள் மூலம் பகிரப்படுவதால், தமிழக அரசின் மிக முக்கிய ரகசியத் தகவல்கள் கசியக்கூடும் என்ற அச்சமும், தீவிரப் பாதுகாப்பு அச்சுறுத்தலும் எழுந்துள்ளது.
இந்த அதிர்ச்சியூட்டும் விவகாரத்தால் உளவுத்துறை மற்றும் அரசு உயர் அதிகாரிகள் வட்டாரத்தில் அதிருப்தியும் பெரும் குழப்பமும் ஏற்பட்டுள்ளது. முதலமைச்சருக்கு மட்டுமே பிரத்யேகமாகச் செல்லும் உளவுத்துறை அறிக்கையை மற்றொரு நபர் முன்கூட்டியே பார்ப்பது பாதுகாப்பு மற்றும் நிர்வாக ஒழுங்கை முழுமையாகக் கேள்விக்குள்ளாக்கியுள்ளது. எனவே, இந்த ரகசியத் தகவல் கசிவைத் தடுத்து நிறுத்த முதலமைச்சர் விஜய் உடனடியாக தலையிட்டு, இதற்கு முழுமையாக முற்றுப்புள்ளி வைக்க வேண்டும் என அதிகாரிகள் தரப்பில் தீவிரமாக வலியுறுத்தப்பட்டு வருகிறது.