பாலத்தையா உடைக்கிற?.. இதோ உன் ரயில் நிலையமே காலி… ஒரே இரவில் மாறிய உலக அரசியல்… அமெரிக்கா போட்ட கணக்கை தவிடுபொடியாக்கிய ஈரான்..!!

இஸ்ரேல் மற்றும் ஈரான் இடையேயான போர் பதற்றம் உச்சகட்டத்தை எட்டியுள்ள நிலையில், டெல் அவிவ் நகரில் உள்ள முக்கிய ரயில் நிலையம் மற்றும் பல மக்கள் நடமாட்டம் மிகுந்த பகுதிகளைக் குறிவைத்து ஈரான் ஏவுகணைத் தாக்குதல்களை நடத்தியுள்ளது. வெள்ளிக்கிழமை அதிகாலை நடந்த இந்தத் தாக்குதலில், டெல் அவிவ் சவிடோர் மத்திய ரயில் நிலையம் பலத்த சேதமடைந்ததுடன், நகரின் ஒன்பதுக்கும் மேற்பட்ட இடங்களில் ஏவுகணைகளின் சிதறல்கள் விழுந்ததாகத் தகவல்கள் தெரிவிக்கின்றன.

இந்தத் தாக்குதலால் இஸ்ரேல் முழுவதும் ரயில் போக்குவரத்து தற்காலிகமாக நிறுத்தப்பட்டது. ஒரு நபர் காயமடைந்த நிலையில், குடியிருப்புப் பகுதிகள் மற்றும் வாகனங்கள் சேதமடைந்துள்ளதால் அங்கு பெரும் பரபரப்பு நிலவுகிறது. மத்திய கிழக்கு பிராந்தியத்தில் கடந்த சில வாரங்களாக நிலவி வரும் மோதல்களின் தொடர்ச்சியாகவே இந்தத் தாக்குதல் பார்க்கப்படுகிறது. ஈரானின் உயர்மட்டத் தலைவர்கள் கொல்லப்பட்டதற்குப் பதிலடி கொடுக்கும் வகையில் இந்த ஏவுகணை மழை பொழிந்ததாக ஈரான் தரப்பில் தெரிவிக்கப்பட்டுள்ளது.

மேலும் இதற்குப் பதிலடியாக ஈரானின் மின் உற்பத்தி நிலையங்கள் மற்றும் பாலங்கள் உள்ளிட்ட முக்கிய உள்கட்டமைப்புகளை அழிக்கப்போவதாக அமெரிக்க அதிபர் டொனால்ட் டிரம்ப் எச்சரித்துள்ளார். இரு நாடுகளும் மாறி மாறித் தாக்குதலில் ஈடுபட்டு வருவதால், இந்த மோதல் ஒரு முழு அளவிலான போராக மாறி உலகப் பொருளாதாரத்தைப் பாதிக்குமோ என்ற அச்சம் சர்வதேச சமூகத்திடையே எழுந்துள்ளது.