தமிழக சட்டமன்றத் தேர்தலுக்கான இறுதி வாக்காளர் பட்டியல் வெளியிடும் தேதியில் மாற்றம் செய்யப்பட்டுள்ளதாகத் தமிழகத் தேர்தல் அதிகாரி அர்ச்சனா பட்நாயக் தெரிவித்துள்ளார். இந்தியத் தேர்தல் ஆணையம் (ECI) ஏற்கனவே அறிவித்திருந்தபடி, நாளை மறுதினம் (பிப்ரவரி 17) இறுதிப் பட்டியல் வெளியாகும் என எதிர்பார்க்கப்பட்ட நிலையில், தற்போது நிர்வாகக் காரணங்களால் இந்தத் தேதி வரும் பிப்ரவரி 23-ம் தேதிக்கு ஒத்திவைக்கப்பட்டுள்ளது.
தேர்தல் களம் தற்போது சூடுபிடித்துள்ள நிலையில், புதிய வாக்காளர்களைச் சேர்த்தல், நீக்குதல் மற்றும் திருத்தங்கள் செய்யும் பணிகள் தீவிரமாக நடைபெற்று வருகின்றன. இந்த இறுதிப் பட்டியல் வெளியான பிறகே, தமிழகத்தின் மொத்த வாக்காளர்களின் எண்ணிக்கை மற்றும் மண்டல வாரியான தரவுகள் அதிகாரப்பூர்வமாகத் தெரியவரும். 2026 சட்டமன்றத் தேர்தலை எதிர்கொள்ள அரசியல் கட்சிகள் தயாராகி வரும் சூழலில், இந்த அறிவிப்பு மிக முக்கியமானதாகப் பார்க்கப்படுகிறது.