பிரபல நடிகரை திருமணம் செய்ய போகிறாரா அனுஷ்கா…? இணையத்தில் கசிந்த தகவல்…

தமிழ் சினிமாவின் முன்னணி நடிகைகளில் ஒருவராக வலம் வருபவர் நடிகை அனுஷ்கா. இவர் இயக்குனர் சுந்தர். சி இயக்கத்தில் நடிகர் மாதவனுக்கு ஜோடியாக இரண்டு என்ற திரைப்படம் மூலம் தமிழ் சினிமாவில் கால் பதித்தார். இரண்டு திரைப்படம் இவருக்கு சொல்லிக்கொள்ளும் அளவிற்கு வரவேற்பை தரவில்லை. இதனால் மீண்டும் தெலுங்கு சினிமா பக்கம் சென்ற இவர் ‘அருந்ததி’ திரைப்படம் மூலம் தென்னிந்திய அளவில் பிரபலமானார்.

இதனை அடுத்து விஜய்க்கு ஜோடியாக வேட்டைக்காரன் திரைப்படம் மூலம் மீண்டும் தமிழ் சினிமாவில் ரீ என்ட்ரி கொடுத்த இவருக்கு அதன்பிறகு தமிழ் சினிமாவில் தொடர்ந்து வாய்ப்புகள் குவிய தொடங்கியது. விஜய், விக்ரம், சூர்யா, ரஜினி என அணைத்து முன்னணி நடிகர்களுடனும் ஜோடி சேர்ந்து நடித்தார் அனுஷ்கா. இதனிடையே இயக்குனர் ராஜமவுலி இயக்கத்தில் பிரபாஸுக்கு ஜோடியாக இவர் நடித்த பாகுபலி 1 மற்றும் பாகுபலி 2 படம் இந்திய அளவில் பெரும் சாதனை படைத்து இவருக்கும் வெற்றியை தேடித்தந்தது.

தற்பொழுது இவர் ஒரு சிறு இடைவெளிக்கு பின்னர், ‘மிஸ் ஷெட்டி மிஸ்டர் பொலிஷெட்டி’ படத்தில் நடித்துள்ள நிலையில் இத்திரைப்படம் வெளியாகி ரசிகர்கள் மத்தியில் நல்ல வரவேற்பை பெற்றது. நடிகை அனுஷ்கா தற்பொழுது வரை திருமணம் செய்து கொள்ளவில்லை. இவரும் பாகுபலி பட ஹீரோ பிரபாஸும் காதலிப்பதாக கடந்த சில ஆண்டுகளாகவே கூறப்பட்டு வந்தது.

அனால் நடிகர் பிரபாஸ் வீட்டில் திருமணத்திற்கு ஒத்துக்கொள்ளவில்லை என்றும் கூறப்பட்டது. இந்நிலையில் பிரபாஸ் வீட்டில் காதலுக்கு பச்சைக்கொடி காட்டி விட்டதாகவும், அடுத்த வருடம் இருவரும் பிரம்மாண்டமான முறையில் திருமணம் செய்து கொள்வார்கள் எனவும் தெலுங்கு சினிமா வட்டாரத்தில் தற்பொழுது தகவலகள் வெளியாகி உள்ளது. இதனால் அனுஸ்கா ரசிகர்கள் தற்பொழுது கொண்டாட்டத்தில் உள்ளனர்.