அய்யய்யோ… பிரசாதம் சாப்பிட்டது தப்பா போச்சே?… பசுவின் பால் பிரசாதத்தால் ஒட்டுமொத்த… கிராமத்திற்கே வெறிநாய்க்கடி தடுப்பூசி… உ . பி – யில் நடந்த சம்பவம்…!

உத்தரப்பிரதேசம் கோரக்பூர் அருகே உள்ள தாடி காஸ் கிராமத்தில் துர்காபூஜையின் போது, பசுவின் பாலில் தயாரிக்கப்பட்ட பிரசாதத்தை உட்கொண்ட சுமார் 450 பேருக்கு வெறிநாய்க்கடி தடுப்பூசி செலுத்தப்பட்டுள்ளது. வெறிநாய்க்கடி நோய் தாக்கியிருக்கலாம் என்ற சந்தேகத்தின் அடிப்படையில் அந்தப் பசு உயிரிழந்ததால் கிராம மக்கள் மத்தியில் அதிர்ச்சியும் அச்சமும் ஏற்பட்டுள்ளது.

இச்சம்பவத்தைத் தொடர்ந்து மாவட்ட சுகாதாரத் துறை உடனடியாக முழுக் கவனத்தையும் செலுத்தி கிராமத்தில் சிறப்பு மருத்துவ முகாம்களை அமைத்தது. அருகில் உள்ள சமூக சுகாதார மையத்தில் சுமாராக 50 பேரும், கிராமத்தில் ஏற்பாடு செய்யப்பட்ட முகாம்களில் 400 பேருக்கும் மேற்பட்டோரும் பாதுகாப்புக் கருதி தடுப்பூசி போட்டுக்கொண்டனர்.

அந்தப் பசுவின் பால் அப்பகுதியில் உள்ள இரண்டு கடைகளுக்கும் மற்றும் பல வீடுகளுக்கும் விநியோகிக்கப்பட்டுள்ளதால் மக்கள் மிகவும் பீதியடைந்துள்ளனர். நிலைமையைக் கட்டுப்படுத்தவும், பொதுமக்களுக்குத் தேவையான மருத்துவ உதவிகளை வழங்கவும் சுகாதாரப் பணியாளர்கள் தொடர்ந்து தீவிரக் கண்காணிப்புப் பணிகளில் ஈடுபட்டு வருகின்றனர்.