திருச்செந்தூர் கோவில் நிர்வாகம் வெளியிட்டுள்ள முக்கிய அறிவிப்பில் கூறியிருப்பதாவது, மார்கழி மாதம் வருகிற 16ம் தேதி தொடங்கி ஜனவரி 17ம் தேதி நிறைவடைகிறது. மார்கழி மாதத்தை முன்னிட்டு திருச்செந்தூர் சுப்பிரமணிய சுவாமி கோவிலில் அதிகாலை 3 மணிக்கு நடை திறக்கப்படுகிறது. 3:30 மணிக்கு விஸ்வரூப தரிசனம் 4 மணிக்கு உதய மார்த்தாண்ட அபிஷேகம் 4:45 மணியிலிருந்து 5 மணிக்குள் உதய மார்த்தாண்ட தீபாரதனை காலை 5 மணிக்கு திருப்பள்ளி எழுச்சி தீபாராதனை நடைபெற உள்ளது.
காலை 6 மணியிலிருந்து 7 மணிக்குள் காலசந்தி தீபாராதனை 7:30 மணிக்கு உச்சிக்கால அபிஷேகம் 8:45 மணியிலிருந்து 9 மணிக்குள் உச்சிக்கால தீபாராதனை, மாலை 3:30 மணிக்கு சாயரட்சை தீபாரதனை நடைபெற உள்ளது. மாலை 6 மணிக்கு ராக்கால அபிஷேகம் 7 மணிக்கு ராக்கால தீபாராதனை இரவு 7:30 மணிக்கு ஏகாந்த தீபாராதனை 8 மணி முதல் 8:30 மணிக்குள் பள்ளியறை தீபாராதனை மற்றும் நடை திருக்காபிடல் நடைபெற உள்ளது.
வருகிற 17ம் தேதி மற்றும் ஜனவரி 1ம் தேதி மற்றும் 6ம் தேதி ஆகிய 2 நாட்களும் பிரதோஷம் என்பதால் பகல் 2:30 மணிக்கு அபிஷேகம் நடைபெறும். மார்கழி 17ம் தேதி ஜனவரி 1ம் தேதி ஆங்கில வருட பிறப்பு என்பதால் அன்று அதிகாலை 1 மணிக்கு நடை திறக்கப்படுகிறது. மார்கழி 19ம் தேதி அதாவது ஜனவரி 3ம் தேதி ஆருத்ரா தரிசனம் என்பதால் அன்று அதிகாலை 2 மணிக்கு நடை திறக்கப்படுகிறது மற்ற கால பூஜைகள் வழக்கம்போல நடைபெறும் என்று அந்த அறிவிப்பில் கோயில் நிர்வாகம் தெரிவித்துள்ளது.