கோவையில் செய்தியாளர்களை சந்தித்து பேசிய அண்ணாமலையிடம் கர்நாடகாவில் ரியல் எஸ்டேட் தொழில் செய்கிறீர்களா என்ற கேள்வி எழுப்பப்பட்டது. அதற்கு பதில் அளித்த அண்ணாமலை, நான் ரியல் எஸ்டேட் தொழில் செய்வதில் என்ன தவறு? என் வாழ்க்கையை நான் வாழ்கிறேன். நான் தொழில் செய்கிறேன் யாரையும் அடித்து பிடுங்கவில்லை. நான் எந்த தொழிலும் செய்யக்கூடாது என்று என் கையை கட்டிப்போட்டு வைத்தால் நான் எப்படி சாப்பிடுவேன்? என் குடும்பத்தை எப்படி நடத்துவேன்?
குழந்தைகளை எப்படி படிக்க வைப்பேன்? என் காருக்கு எப்படி டீசல் போடுவேன்? அதனால் எந்த தொழிலும் செய்யக்கூடாது என்று சொல்ல யாருக்கும் உரிமை இல்லை. ரயில் டிக்கெட் எடுக்காமல் வந்தவர்கள் எல்லாம் ஏழு தலைமுறைக்கு சொத்து சேர்த்து விட்டார்கள். நான் அப்படி எதுவும் சேர்க்கவில்லை. முதல்வர் என்ன தொழில் செய்கிறார்? அவருக்கு பணம் எங்கிருந்து வருகிறது? என்று கேள்வி எழுப்பி உள்ளார்.