DMK Files விவகாரம்: “அந்த 3 மணி நேரம்” ஆட்டிப்படைத்த அண்ணாமலை… திக்குமுக்காடிப்போன டி.ஆர் பாலு… நடந்தது என்ன…??

திமுக பொருளாளர் டி.ஆர்.பாலு தொடர்ந்த அவதூறு வழக்கில், தமிழக பாஜக முன்னாள் தலைவர் அண்ணாமலை சென்னை சைதாப்பேட்டை நீதிமன்றத்தில் நேரில் ஆஜராகி சுமார் 3 மணி நேரம் குறுக்கு விசாரணை நடத்தினார். தனது வழக்கறிஞர்களின் உதவியுடன் தானே நேரடியாகக் கேள்விகளை முன்வைத்த அண்ணாமலை, டி.ஆர்.பாலுவின் குடும்பச் சொத்துக்கள் மற்றும் ‘டிஎம்கே பைல்ஸ்’ தொடர்பான பல்வேறு ஆதாரங்களை நீதிமன்றத்தில் முன்வைத்தார். இந்த விசாரணை இன்னும் நிறைவடையாத நிலையில், மற்றொரு நாளில் குறுக்கு விசாரணை தொடரும் என்று அவர் செய்தியாளர்களிடம் தெரிவித்தார்.