“டார்கெட் நீங்க இல்ல.. அவருதான்”…. பேர மட்டும் சொல்லுங்க.. விட்டுறோம்….. போலீசாரின் அதிர்ச்சி ரகசியத்தை உடைத்த முன்னாள் அமைச்சர் அன்பில் மகேஸ்….!

சோதனைக்கு பின் செய்தியாளர்களிடம் பேசிய முன்னாள் அமைச்சர் அன்பில் மகேஸ், காலை 7 மணிக்குத் தொடங்கிய சோதனை முடியும் வரை அதிகாரிகளுக்கு முழு ஒத்துழைப்பு அளித்ததாகத் தெரிவித்தார். வரும் 18-ஆம் தேதி நேரில் ஆஜராகி விளக்கமளிக்குமாறு அதிகாரிகள் தன்னிடம் கூறிச் சென்றுள்ளதாகவும், விசாரணை முடித்த கையோடு தாராபுரம் இடைத்தேர்தல் பரப்புரைக்குச் செல்லவுள்ளதாகவும் அவர் கூறினார். தன் வீட்டில் நடத்தப்பட்ட இந்த 8 மணிநேரச் சோதனை குறித்துப் பேசிய அவர், அரசியல் பழிவாங்கும் நடவடிக்கையாகவே இது பார்க்கப்படுவதாகக் குற்றஞ்சாட்டினார்.

தொடர்ந்து காவல்துறை மற்றும் அதிகாரிகளுக்குக் கண்டனம் தெரிவித்த அவர், விசாரணை என்ற பெயரில் குறிப்பிட்ட சிலரது பெயர்களைச் சொல்ல சொல்லி மிரட்டுவதைத் தவிர்க்க வேண்டும் எனக் கேட்டுக்கொண்டார். “டார்கெட் நீங்க இல்லை, அவருதான்… அவர் பெயரை மட்டும் சொல்லுங்க விட்டுறோம்” என்று அதிகாரிகள் அழுத்தம் தருவது முறையான விசாரணை முறை அல்ல என்றும் சுட்டிக்காட்டினார். தான் ‘ஹிட்லர் முதலமைச்சர், கோயபல்ஸ் அமைச்சர்கள்’ என்று விமர்சித்துப் பேசியதன் காரணமாகவே இந்தச் சோதனை நடத்தப்பட்டுள்ளதாகத் தெரிவித்த அவர், இத்தகைய மிரட்டல்களுக்கு அஞ்சப்போவதில்லை என்பதையும் உறுதியாகத் தெரிவித்தார்.