ராஜஸ்தான் மாநிலம் ஸ்ரீகங்கானகரில் உள்ள பாபா ராம்தேவ் கோவில் அருகே திங்கள்கிழமை மாலை பயங்கர சம்பவம் ஒன்று அரங்கேறியுள்ளது. ஓடிக்கொண்டிருந்த மின்சார ஸ்கூட்டர் திடீரென வெடிச்சத்தத்துடன் தீப்பிடித்து எரிந்த விவகாரம் அப்பகுதியில் பெரும் பரபரப்பை ஏற்படுத்தியுள்ளது. அதிர்ஷ்டவசமாக இந்த விபத்தில் யாருக்கும் உயிர்ச்சேதம் ஏற்படவில்லை.
தீப்பிடித்த அந்த ஸ்கூட்டரை ஓட்டி வந்தவர் நிலைதடுமாறி உடனடியாக வாகனத்திலிருந்து கீழே குதித்தார். அதேவேளையில், வாகனத்தில் மற்றும் அருகில் இருந்த மற்றொரு குழந்தையும் பாதுகாப்பாக உடனடியாக வெளியேற்றப்பட்டனர். குழந்தைகள் இருவரும் எந்தவித காயமுமின்றி அதிர்ஷ்டவசமாக உயிர் தப்பினர். வாகனம் திடீரென தீப்பற்றியதால் அப்பகுதியில் சிறிது நேரம் பீதியும் பதற்றமும் நிலவியது.
https://twitter.com/contentkikamii/status/2092150308583661784/video/1
மின்சார ஸ்கூட்டர் தீப்பிடித்த முழுச் சம்பவமும் அப்பபக்கதுள்ள சிசிடிவி கேமராவில் பதிவாகியுள்ளது. ஸ்கூட்டரிலிருந்து திடீரென புகை கிளம்பி, பயங்கர சத்தத்துடன் தீப்பிடித்து எரியும் காட்சிகள் தற்போது சமூக வலைதளங்களில் வெளியாகி வைரலாகி வருகின்றன. மின்சார வாகனங்களின் பாதுகாப்பு குறித்த கேள்விகளை இந்தச் சம்பவம் மீண்டும் எழுப்பியுள்ளது.