உத்தரப் பிரதேசத்தைச் சேர்ந்த மேக்னா என்ற இளம் பெண், தனது தந்தையைக் காசநோய் காரணமாக இழந்துள்ளார். தந்தையின் மறைவு குறித்துத் திருமணமான தனது 4 சகோதரிகளுக்கும் தகவல் தெரிவித்தும், நோய் பயம் மற்றும் சுயநலம் காரணமாக அவர்கள் யாருமே இறுதிச் சடங்கிற்கு வரவில்லை எனக் கூறப்படுகிறது.
வேறு எந்த உறவுகளும் துணை இல்லாத நிலையில், மேக்னா தனியாகவே தனது தந்தையின் உடலுக்கு இறுதிச் சடங்குகளைச் செய்து, ஈமக் கிரியைகளை நிறைவேற்றியுள்ளார். தந்தை எரியும் ஈமச்சிதையின் முன் அந்தச் சிறுமி தனியாக அமர்ந்திருக்கும் சோகமான காட்சி சமூக வலைதளங்களில் வெளியாகி காண்போரின் நெஞ்சைப் பிழிவதாக அமைந்துள்ளதுடன், உறவுகளின் சுயநலப் போக்கிற்குப் பலரும் கண்டனம் தெரிவித்து வருகின்றனர்.