“வெற்றி! வெற்றி! வெற்றி”… ஈரான் மீதான போரில் டிரம்ப்பின் அதிரடி முடிவு…. உலகமே அதிர்ச்சி….!

மத்திய கிழக்கில் நிலவி வரும் பதற்றமான சூழலில், ஈரானுக்கு எதிரான போரில் அமெரிக்கா வெற்றி பெற்றுள்ளதாக அதிபர் டொனால்டு டிரம்ப் அதிரடியாக அறிவித்துள்ளார். கடந்த பிப்ரவரி 28-ஆம் தேதி தொடங்கிய இந்த மோதல், அணுசக்தி விவகாரங்கள் மற்றும் பிராந்திய பாதுகாப்பு குறித்த கருத்து வேறுபாடுகளால் உச்சத்தை எட்டியது. இந்தத் தாக்குதல்களில் ஈரானின் உச்ச தலைவர் அயதுல்லா அலி காமேனி கொல்லப்பட்டதை அடுத்து, போர் சூழல் மேலும் தீவிரமடைந்தது.

அமெரிக்காவின் இந்த அறிவிப்பைத் தொடர்ந்து, ஈரான் தரப்பில் இருந்து பதிலடி தாக்குதல்கள் வளைகுடா நாடுகளில் உள்ள அமெரிக்க ராணுவ தளங்களை குறிவைத்து நடத்தப்பட்டு வருகின்றன. இதனால் பிராந்தியத்தில் போர் பதற்றம் நீடிப்பதோடு, உலகளாவிய கச்சா எண்ணெய் விலையிலும் நிலையற்ற தன்மை ஏற்பட்டுள்ளது. பல நாடுகளில் எரிசக்தி தட்டுப்பாடு உருவாகியுள்ளதால், போரை முடிவுக்கு கொண்டு வர சர்வதேச அளவில் தீவிரமான ஆலோசனைகள் மேற்கொள்ளப்பட்டு வருகின்றன.

ஈரான் அதிபர் மசூத் பெசஸ்கியான், போர் நிறுத்தத்திற்கான நிபந்தனைகளை முன்வைத்துள்ளார். போரினால் ஏற்பட்ட சேதங்களுக்கு உரிய இழப்பீடு, ஈரானின் சட்டபூர்வ உரிமைகளை சர்வதேச அளவில் அங்கீகரித்தல் மற்றும் எதிர்கால ஆக்கிரமிப்புகளைத் தடுக்க உறுதியான சர்வதேச உத்தரவாதங்கள் போன்றவை வழங்கப்பட வேண்டும் என அவர் வலியுறுத்தியுள்ளார். இது போர் நிறுத்தத்திற்கான பாதையைத் தெளிவுபடுத்தும் முயற்சியாகப் பார்க்கப்படுகிறது.

அமெரிக்க அதிபர் டொனால்டு டிரம்ப், கென்டக்கி மாநிலத்தில் உரையாற்றுகையில், ஈரானுக்கு எதிரான தாக்குதல்கள் தொடக்கத்திலேயே தீர்மானமான விளைவுகளை ஏற்படுத்தியதாகக் குறிப்பிட்டுள்ளார். வெற்றியைத் தாங்கள் கைப்பற்றிவிட்ட போதிலும், பணியை முழுமையாக முடிக்க அமெரிக்கா தொடர்ந்து ஈடுபடும் என்றும், முன்கூட்டியே பின்வாங்கும் பேச்சுக்கே இடமில்லை என்றும் அவர் உறுதியாகத் தெரிவித்துள்ளார். இந்த மோதல் உலக நாடுகளின் கவனத்தை ஈர்த்துள்ளதுடன், மத்திய கிழக்கின் அரசியல் நிலவரத்தில் பெரும் மாற்றங்களை ஏற்படுத்தியுள்ளது.