ஸ்பெயின் நாட்டில் நடக்கும் 24 ஹவர்ஸ் கார் பந்தயத்தில் அஜித் குமார் ரேசிங் அணி மூன்றாம் இடம் பிடித்துள்ளது. திரைப்படங்களில் நடிக்காமல் கடந்த சில மாதங்களாகவே வெளிநாடுகளில் நடக்கும் கார் பந்தயங்களில் தனது கார்பந்தயக் குழுவுடன் கலந்து வருகிறார் நடிகர் அஜித் குமார். இந்நிலையில் தற்போது ஸ்பெயின் நாட்டில் நடக்கும் 24 ஹவர்ஸ் கார் சீரியஸில், அஜித் தலைமையிலான அஜித்குமார் ரேசிங் அணி மூன்றாம் இடம் இடத்தை பிடித்துள்ளது. இதன்மூலம் தமிழ்நாட்டை தாண்டி ஒட்டுமொத்த இந்தியாவிற்கே பெருமை சேர்த்துள்ளார் அஜித்குமார் பலதரப்பில் இருந்து நடிகர் அஜித்துக்கு பாராட்டுக்கள் குவிந்த வண்ணம் உள்ளன.
இந்நிலையில் தன்னுடைய காரில் இந்திய சினிமாவை ப்ரமோட் செய்யும் லோகோவை பொருத்தியுள்ளதாக அஜித் தெரிவித்துள்ளார். மேலும் தமிழ் சினிமாவில் இருப்பது ஆசிர்வாதமாக கருதுவதாக குறிப்பிட்ட அவர், இந்தியாவின் 20 மொழி படங்களை குறித்து உலகுக்கு தெரியப்படுத்த வேண்டும் என்றும் கூறியுள்ளார்.