தனுஷ் மீது குற்றசாட்டை வைத்த நயன்தாராவுக்கு ஆதரவு தெரிவித்த நடிகைகள்…. Like செய்த உடனே Unlike செய்த பிரபல நடிகை..!

நடிகை நயன்தாரா மற்றும் விக்னேஷ் சிவன் திருமணம் மற்றும் காதல் உருவானது குறித்தான ஆவண படத்தை நெட்பிலிக்ஸ் நிறுவனம் வெளியிட உள்ளது. இந்த ஆவணப்படம் சில தனிப்பட்ட காரணங்களால் தள்ளிப் போனது. அதாவது நானும் ரவுடிதான் திரைப்படத்தின் இயக்குனராக விக்னேஷ் சிவன் இருந்த நிலையில் நயன்தாரா படத்தில் ஹீரோயினியாக நடித்திருந்தார்.

அந்த திரைப்படத்திற்கு பிறகு தான் இருவருக்கும் காதல் மலர்ந்து பிறகு திருமணம் செய்து கொண்டனர். அதிலிருந்து சில காட்சிகளை இந்த ஆவணப்படத்தில் வைக்க திட்டமிட்டிருந்த நிலையில் அப்படத்தின் தயாரிப்பாளரான தனுஷ் தனக்கு நஷ்ட ஈடு கொடுக்க வேண்டும் என்று வழக்கு தொடர்ந்திருந்தார்.

‘Nayanthara: Beyond the Fairy Tale’ ஆவணப்படத்தின் முன்னோட்டத்தில் ‘நானும் ரௌடிதான்’ படத்தின் காட்சிகளை பயன்படுத்திய காரணத்துக்காக நயன்தாராவுக்கு ரூ.10 கோடி நஷ்ட ஈடு கேட்டு நோட்டீஸ் அனுப்பியுள்ளார் அந்தப் படத்தின் தயாரிப்பாளர் தனுஷ். அதன் எதிரொலியாக நயன்தாரா இன்று பகிரங்கமாக தனுஷை நேரடியாக தாக்கி மூன்று பக்க லெட்டர் ஒன்றை எழுதி இருந்தார். இதனைத் தொடர்ந்து நயன்தாராவுக்கு திரை பிரபலங்கள் மற்றும் ரசிகர்கள் பலரும் ஆதரவாக குரல் கொடுத்து வருகின்றனர்.

இப்படியான நிலையில் நடிகை நயன்தாராவுக்கு ஆதரவாக பிரபல நடிகைகள் பலரும் ஆதரவு செய்திருக்கிறார்கள். நயன்தாராவின் அறிக்கைக்கு ஸ்ருதிஹாசன், மஞ்சுமா மோகன், மரியான் பட நடிகை பார்வதி உள்ளிட்ட பல நடிகைகளும் நயன்தாராவிற்கு ஆதரவு தெரிவித்துள்ளார்கள். இதனிடையே வடசென்னை படத்தில் தனுஷிற்கு ஜோடியாக நடித்த நடிகை ஐஸ்வர்யா ராஜேஷ் நயன்தாராவுக்கு ஆதரவாக லைக் போட்ட சிறிது நேரத்திலேயே அதனை டிஸ்லைக் செய்துள்ளார்.