வறுமையில் இருந்த வாலி… நடிகர் நாகேஷ் வாங்கி கொடுத்த பேப்பரால் லட்சாதிபதி ஆன கதை தெரியுமா… ?

தமிழ் சினிமாவில் 50 ஆண்டுகளுக்கும் மேலாக தன்னுடைய பாடல் வரிகளால் கோலோச்சியவர் கவிஞர் வாலி. அவரின் ஆரம்ப காலத்தில் கண்ணதாசனோடும், 80 மற்றும் 90 களில்  வைரமுத்துவோடும். 2000களில் முத்துகுமார் உள்ளிட்ட இளம் கவிஞர்களோடும் போட்டி போட்டார். ஆனால் அவர் அனைவரிடமும் நட்பாகப் பழகினார். இதனால் அவரை ரசிகர்கள் வாலிபக் கவிஞர் என்றே அழைத்தனர்.

திரையுலகில் வாலிக்கு மிகவும் நெருக்கமான நண்பர்களில் ஒருவர் நடிகர் எம் ஜி ஆர். தன்னுடைய படங்களுக்கு முதலில் கண்ணதாசனையே தொடர்ந்து பாடல்கள் எழுத வைத்து வந்தார் எம் ஜி ஆர். ஆனால் இருவருக்கும் இடையே அரசியல் ரீதியாக ஒரு பிரிவு வந்தது. எம் ஜி ஆர் தீவிரமாக திமுகவில் இயங்கி வந்த நிலையில், கண்ணதாசன் திமுகவில் இருந்து காங்கிரஸுக்கு தாவினார்.

அதன் பின்னர் கண்ணதாசன் எம் ஜி ஆரைக் கடுமையாக விமர்சனம் செய்ய ஆரம்பித்தார். அப்போதுதான் எம் ஜி ஆர் வாலியை தன்னுடைய ஆஸ்தான கவியாக மாற்றிக் கொண்டார். அதன் பின்னர் பல நடிகர்களுக்கு எழுதிய வாலி, கடைசியாக சிவகார்த்திகேயன் வரைக்கும் பாடல்கள் எழுதியுள்ளார். வாலியைப் பொறுத்தவரை திரையுலகில் அனைவருமே அவருக்கு நண்பர்கள்தான். சக பாடல் ஆசிரியர்கள் முதற்கொண்டு அனைவருமே அவரிடம் அன்பாகப் பழகுவார்கள்.

வாலிக்கு தமிழ் சினிமாவில் ஒரு வழிகாட்டியாக இருந்தது நாகேஷ் தானாம். அந்தக்காலத்தில் இருவருமே நெருங்கிய நண்பர்களாக இருந்திருக்கிறார்கள். அப்போது தினசரி நாகேஷ் வாய்ப்பு தேடி சென்றாலும் வாலி வீட்டிலேயே சோபெரியாகவே இருப்பாராம். அப்போது தான் நாகேஷுக்கு ஒரு யோசனை தோன்றி கடையில் போய் பேப்பர் வாங்கி வந்து வாலியிடம் கொடுத்து சும்ம இருக்கும்போது இதில் ஏதாவது எழுதி வை என்று கொடுத்தாராம். அதன்பின்னர் தான் வறுமையில் இருக்கும்போது எழுதிய பல பாடல்கள் அவருக்கு லட்சக்கணக்கில் சம்பாதித்து கொடுத்துள்ளது.