BREAKING: கோடை விடுமுறை முடிவில் காத்திருந்த பேரதிர்ச்சி…. ஒரே நாளில் தடாலடியாக மாறியது… மக்களுக்கு ஷாக்…!

கோடை விடுமுறை முடிந்து பள்ளி மற்றும் கல்லூரிகள் திறக்கப்பட உள்ள நிலையில், பொதுமக்கள் அனைவரும் தங்களது சொந்த ஊர்களில் இருந்து சென்னைக்குத் திரும்பத் தொடங்கியுள்ளதால் விமானக் கட்டணங்கள் கிடுகிடுவென உயர்ந்து மக்களை அதிர்ச்சியில் ஆழ்த்தியுள்ளது. வழக்கமாக ஆயிரக்கணக்கில் இருக்கும் உள்நாட்டு விமானக் கட்டணம், தற்போது தட்டுப்பாடு மற்றும் பயணிகளின் வரத்து அதிகரிப்பு காரணமாகப் பல மடங்கு உயர்ந்துள்ளது.

குறிப்பாக, மதுரையில் இருந்து சென்னை வருவதற்கான விமானக் கட்டணம் ₹17,303 ஆகவும், திருச்சியில் இருந்து சென்னைக்கான கட்டணம் ₹14,404 ஆகவும் விண்ணைத் தொட்டுள்ளது. இதேபோல், கோவையிலிருந்து சென்னை செல்வதற்கு ₹16,504 வரை கட்டணம் நிர்ணயிக்கப்பட்டுள்ளதுடன், சென்னையில் இருந்து பிற முக்கிய நகரங்களுக்குச் செல்வதற்கான கட்டணமும் கணிசமாக அதிகரித்துள்ளது. இந்தத் திடீர் கட்டண உயர்வு, அவசரத் தேவைகளுக்காகப் பயணம் செய்யத் திட்டமிட்டிருந்த நடுத்தர மற்றும் அரசுப் பணியாளர்களைக் கடும் அதிர்ச்சியிலும், கவலையிலும் ஆழ்த்தியுள்ளது.