தமிழகத்தில் 2026 ஆம் ஆண்டு சட்டமன்றத் தேர்தல் நெருங்கிக் கொண்டிருக்கும் சூழலில் அனைத்து அரசியல் கட்சிகளும் தீவிரமாக தேர்தல் பணியில் ஈடுபட்டு வருகின்றன. குறிப்பாக இபிஎஸ் பாஜகவுடன் கூட்டணி வைத்துள்ள நிலையில் அதிமுக ஆட்சியை மீண்டும் தமிழகத்தில் கொண்டுவர முயற்சித்து வருகிறார். ஆனால் பிரிந்து கிடக்கும் அதிமுகவினர் அனைவரும் மீண்டும் ஒன்றிணைய வேண்டும் என்று பலரும் குரல் எழுப்பி வருகிறார்கள். சமீபத்தில் கூட செங்கோட்டையன் கூறி இருந்த நிலையில் அவரை கட்சியிலிருந்து நீக்கி இபிஎஸ் உத்தரவிட்டார்.
இந்நிலையில் மீண்டும் தான் அதிமுகவை ஆட்சிக்கு கொண்டு வருவேன் என்று சசிகலா சூளுரைத்துள்ளார். அதிமுகவில் விரைவில் சர்ப்ரைஸ் நடக்கும் என்றும் சூசகமாக பேசி உள்ளார். தேவர் ஜெயந்தியின் போது ஓபிஎஸ், செங்கோட்டையன், டிடிவி தினகரன் ஆகியோர் ஒன்றாக இருந்த நிலையில் சசிகலாவின் இந்த பேச்சு அரசியலில் கவனம் வைத்துள்ளது. இதனால் அதிமுகவில் புதிய அணியாக உருவாகுமா? அல்லது தமிழக அரசியலில் தனி கட்சி உருவாகுமா? என்ற கேள்வி எழுந்துள்ளது.