சட்டமன்றத் தேர்தல் முடிவுகளுக்குப் பிறகு அதிமுக கடுமையான சவால்களையும், உட்கட்சி நெருக்கடிகளையும் சந்தித்து வருகிறது. கட்சியை மீட்டெடுக்க வேண்டும் என்ற தொண்டர்களின் கோரிக்கையை ஏற்று, பொதுச்செயலாளர் எடப்பாடி பழனிசாமி மாவட்ட வாரியாக நிர்வாகிகளுடன் தீவிர ஆலோசனையில் ஈடுபட்டு வருகிறார். இதன் ஒரு பகுதியாக இன்று ஆற்காடு பகுதி அதிமுக நிர்வாகிகளுடன் நடைபெற்ற கூட்டத்தில், ஆற்காடு சட்டமன்ற உறுப்பினரான சுகுமார் பங்கேற்காமல் புறக்கணித்துள்ளது அக்கட்சி வட்டாரத்தில் பெரும் பரபரப்பை ஏற்படுத்தியுள்ளது. இந்த புறக்கணிப்பு எடப்பாடி பழனிசாமியின் தலைமைக்கு ஏற்பட்டுள்ள புதிய தலைவலியாகப் பார்க்கப்படுகிறது.
அதிமுகவில் ஏற்கனவே எஸ்பி வேலுமணி மற்றும் சிவி சண்முகம் தலைமையில் உருவான அதிருப்தி அணி, தவெக உடனான அரசியல் சூழல்களுக்குப் பிறகு தற்காலிகமாக அமைதியடைந்தது. இருப்பினும், அவர்களின் பழைய கட்சிப் பதவிகளை மீண்டும் வழங்காமல் எடப்பாடி பழனிசாமி பெயரளவிலான பொறுப்புகளை மட்டுமே வழங்கியதால், முக்கிய நிர்வாகிகள் பலரும் தற்போதும் அதிருப்தியிலேயே உள்ளனர். தற்போதுள்ள 42 அதிமுக எம்எல்ஏ-க்களில் கணிசமானோர் எடப்பாடி பழனிசாமியின் செயல்பாடுகளில் அதிருப்தி அடைந்துள்ளதாகவும், அதில் சுமார் 7 சட்டமன்ற உறுப்பினர்கள் தவெக பக்கம் தாவக்கூடும் என்றும் வெளியாகும் அரசியல் தகவல்கள் கட்சியின் பலவீனத்தை வெளிச்சம் போட்டுக்காட்டுகின்றன.
ஜெயலலிதா மறைவிற்குப் பிறகு அதிமுக மிக மோசமான அரசியல் சறுக்கலைச் சந்தித்து வரும் நிலையில், இபிஎஸ்-ஸின் பிடிவாத போக்கே இதற்கு காரணம் என்று அரசியல் விமர்சகர்கள் குற்றம் சாட்டுகின்றனர். நிர்வாகிகளின் ஒத்துழைப்பு இன்மை மற்றும் எம்எல்ஏ-க்களின் அதிருப்தி செயல்பாடுகளால் எடப்பாடி பழனிசாமி கடும் அதிருப்தியிலும், ஆதங்கத்திலும் இருப்பதாகக் கூறப்படுகிறது. கட்டுப்பட மறுக்கும் எம்எல்ஏ-க்களை மீண்டும் தன் கட்டுப்பாட்டிற்குள் கொண்டு வரவும், கட்சியை வலுப்படுத்தவும் எடப்பாடி பழனிசாமி அடுத்து என்ன அதிரடி நடவடிக்கை எடுக்கப் போகிறார் என்பதைப் பொறுத்தே அதிமுகவின் எதிர்காலம் அமையும் என்பதால், தமிழக அரசியலில் பரபரப்பு தொற்றிக்கொண்டுள்ளது.
கோலாப்பூர் – இச்சல்கரஞ்சி-கப்னூர் வழித்தடத்தில் உள்ள கப்னூர் சௌக் பகுதியில் அதிவேகமாக வந்த டாடா பஞ்ச் கார், முன்னால் சென்று…
உணவகத்தின் கலகலப்பான சத்தங்களுக்கு நடுவே, மேஜையின் நடுவில் வைக்கப்பட்டிருந்த ஹாட் பாட் பாத்திரம் மெல்லிய புகையுடன் கொதித்துக் கொண்டிருந்தது. தட்டிலிருந்த…
தலைநகர் டெல்லி மயூர் விஹார் பகுதியில் உள்ள தனியார் பள்ளியில் 3-ஆம் வகுப்பு படித்து வந்த 9 வயது சிறுமி…
கேரளாவில் வெளிநாட்டிலிருந்து சட்டவிரோதமாகக் கடத்தி வரப்பட்ட பல லட்சம் ரூபாய் மதிப்புள்ள தங்கத்தைக் கவர்ந்து செல்ல, பெண் ஒருவர் திரைப்பட…
உத்தரப் பிரதேச மாநிலம் புதௌன் மாவட்டத்தைச் சேர்ந்த கருலியா கிராமத்தைச் சேர்ந்தவர் ஏக்தா. ஏழு மாதக் கர்ப்பிணியாக இருந்த இவருக்குச்…
உத்தரப் பிரதேச மாநிலத்தில் 11-ஆம் வகுப்பு படித்துக் கொண்டிருந்த போதே காதலிப்பதாகக் கூறி, 10 ஆண்டுகள் அத்துமீறலில் ஈடுபட்டு ஏமாற்றிய…