தமிழக MLA-க்கள் ராஜினாமா… அதிமுக போட்ட அவசர வழக்கு…. பரபரக்கும் தமிழக அரசியல்… அடுத்தடுத்த அதிர்ச்சி..!

சட்டப்பேரவை இடைத்தேர்தல் அறிவிப்புக்கு தடை விதிக்கக் கோரி, அதிமுக சார்பில் சென்னை உயர் நீதிமன்றத்தில் அவசர வழக்கு ஒன்று தொடரப்பட்டுள்ளது. அதிமுக பொதுத்தேர்தலில் வெற்றி பெற்று சட்டமன்ற உறுப்பினர்களாக இருந்த மரகதம் குமரவேல், சத்யபாமா, ஜெயக்குமார் மற்றும் இசக்கி சுப்பையா ஆகிய நான்கு பேரும் தங்களது எம்.எல்.ஏ பதவிகளை ராஜினாமா செய்துவிட்டு, தமிழக வெற்றிக் கழகம் கட்சியில் இணைந்தனர்.

கட்சித் தாவல் தடைச் சட்டத்தின் கீழ் தகுதி நீக்க நடவடிக்கைக்கு உள்ளாக வேண்டிய இந்த 4 எம்.எல்.ஏ-க்களின் ராஜினாமாவை அவசர அவசரமாக சபாநாயகர் ஏற்றுக் கொண்டது முற்றிலும் சட்டவிரோதமானது என்றும், எனவே அந்தத் தொகுதிகளுக்கு இடைத்தேர்தல் நடத்துவது குறித்த அறிவிப்புக்கு உடனடியாக இடைக்காலத் தடை விதிக்க வேண்டும் என்றும் அதிமுக தரப்பில் தாக்கல் செய்யப்பட்டுள்ள அந்த மனுவில் வலியுறுத்தப்பட்டுள்ளது.