சென்னை உயர்நீதிமன்ற உத்தரவுக்கு எதிரான திமுக முன்னாள் அமைச்சர் கே.என்.நேருவின் மேல்முறையீட்டு மனுவை உச்சநீதிமன்றம் தள்ளுபடி செய்ததைத் தொடர்ந்து, ரூ.634 கோடி நியமன முறைக்கேடு வழக்கில் அவர் எந்த நேரத்திலும் கைது செய்யப்படலாம் என்ற தகவல்கள் தமிழக அரசியல் வட்டாரத்தில் பெரும் பரபரப்பை ஏற்படுத்தியுள்ளன. திமுகவின் மூத்த நிர்வாகியான கே.என்.நேரு மீது லஞ்ச ஒழிப்புத்துறை மற்றும் பிற புலனாய்வு அமைப்புகள் தீவிர விசாரணைக்கு ஆயத்தமாகி வரும் வேளையில், இந்த அதிரடி சட்ட நடவடிக்கை கட்சித் தலைமையையும் திருச்சி மண்டல திமுக தொண்டர்களையும் அதிர்ச்சியில் ஆழ்த்தியுள்ளது.
ஏற்கனவே திருச்சி மாவட்டத்தின் முக்கிய முகங்களில் ஒருவரான முன்னாள் அமைச்சர் அன்பில் மகேஸ் கைதாகி சிறையில் அடைக்கப்பட்டுள்ள நிலையில், அடுத்தபடியாக கே.என்.நேருவுக்கும் கைது அச்சம் உருவாகியுள்ளது. வரவிருக்கும் திருச்சி கிழக்கு இடைத்தேர்தலை முன்னிட்டு, திருச்சியில் திமுகவின் தேர்தல் களப் பணிகளை பலவீனப்படுத்தும் நோக்கிலேயே தவெக அரசு பொய் வழக்குகளைப் போட்டு முக்கியப் பொறுப்பாளர்களைக் குறிவைப்பதாக திமுக தரப்பில் கடும் குற்றச்சாட்டுகள் முன்வைக்கப்பட்டு வருகின்றன.