கணவனின் பிறந்தநாள் கொண்டாட்டத்தில் பயங்கரம்: விடிய விடிய மது விருந்து… காலையில் சடலமாக மீட்டெடுக்கப்பட்ட ஐடி பெண் ஊழியர்…! அறையில் சிக்கிய மர்ம பொருட்கள்…!

உத்தரகாண்ட் மாநிலம் முசோரியில் உள்ள ஹோம்ஸ்டே ஒன்றில், டெல்லியைச் சேர்ந்த 27 வயதான ஐடி பெண் ஊழியர் பி. ராதா காயத்ரி மர்மமான முறையில் உயிரிழந்த சம்பவம் பெரும் பரபரப்பை ஏற்படுத்தியுள்ளது. குருகிராமில் பணிபுரிந்து வந்த காயத்ரிக்கும், புனேவில் பணிபுரியும் சௌம்ய ஸ்ரீசரண் என்பவருக்கும் கடந்த நவம்பர் மாதம் திருமணம் நடந்துள்ளது. கணவனின் பிறந்தநாளைக் கொண்டாடுவதற்காக முசோரிக்கு சுற்றுலா வந்த இந்த தம்பதியினர், ஜூன் 15 அன்று இரவு முசோரியில் உள்ள ஒரு ஹோம்ஸ்டேவில் தங்கியுள்ளனர்.

அன்று இரவு இருவரும் விடிய விடிய மது அருந்தியதாகக் கூறப்படுகிறது. மறுநாள் காலை கணவர் சௌம்ய ஸ்ரீசரண் எழுந்து பார்த்தபோது, ராதா காயத்ரி சுயநினைவின்றி மூக்கு மற்றும் வாயில் இரத்தம் வடிந்த நிலையில் கிடந்துள்ளார். உடனடியாக அவரை மருத்துவமனைக்குக் கொண்டு சென்றபோது, அவர் ஏற்கனவே இறந்துவிட்டது உறுதி செய்யப்பட்டது. காவல்துறையினர் மற்றும் தடயவியல் குழுவினர் சம்பவ இடத்திற்குச் சென்று சோதித்தபோது, அறையில் இரத்தக் கறைகள், காலி மது பாட்டில்கள் மற்றும் கணவர் பயன்படுத்திய பாலியல் ஊக்க மருந்துகளின் காலி கவர்கள் ஆகியவை கண்டெடுக்கப்பட்டன.

இச்சம்பவம் குறித்து காவல்துறையினர் தீவிர விசாரணை நடத்தி வருகின்றனர். பெண்ணின் உடலில் வெளிப்புறக் காயங்கள் எதுவும் இல்லாததால், அவரது உடற்கூறாய்வு வீடியோ பதிவுடன் செய்யப்பட்டு, உடலின் முக்கிய உறுப்புகள் ஆய்வக சோதனைக்கு அனுப்பப்பட்டுள்ளன. பெண்ணின் தந்தை தனது மகளின் மரணத்தில் சந்தேகம் இருப்பதாகக் கூறி நியாயமான விசாரணை கோரியுள்ளார். மதுவின் தாக்கம், உட்கொண்ட மாத்திரைகளின் பக்கவிளைவு அல்லது வேறு ஏதேனும் சதி உள்ளதா என்ற பல கோணங்களில் காவல்துறையினர் தொடர்ந்து விசாரித்து வருகின்றனர்.