“நண்பனே கணவனானால் அது மகிழ்ச்சிகரமான வாழ்க்கை” என்ற தமிழ் சினிமாப் பாடலின் வரிகளைப் போல, பல வருடங்களாகத் தன்னுடன் பழகிய உயிர் தோழியே தன் உடன் பிறந்த சகோதரி தான் என்ற உண்மை தெரியவந்தால் எழும் உணர்ச்சியை வார்த்தைகளால் விவரிக்க முடியாது. அப்படி ஒரு சினிமா கதையையும் மிஞ்சும் நெகிழ்ச்சியான சம்பவம் நிஜத்திலேயே நடந்து அனைவரையும் ஆச்சரியத்தில் ஆழ்த்தியுள்ளது.
சுமார் 30 ஆண்டுகளுக்கு முன்பு இந்தியாவில் இருந்து நெதர்லாந்து நாட்டிற்கு வெவ்வேறு குடும்பங்களால் தத்தெடுக்கப்பட்டவர்கள் மீனா மற்றும் மினல். நெதர்லாந்தில் வளர்ந்த இவர்கள் இருவரும் கடந்த 30 ஆண்டுகளாகத் தங்களுக்குள் இருக்கும் இரத்த பந்தத்தைப் பற்றி அறியாமலேயே நெருங்கிய தோழிகளாகப் பழகி வந்திருக்கின்றனர். சமீபத்தில் மேற்கொள்ளப்பட்ட டி.என்.ஏ பரிசோதனையின் முடிவில், இவர்கள் இருவரும் ஒரே தாயின் வயிற்றில் பிறந்த சொந்தச் சகோதரிகள் என்ற உண்மை வெளிச்சத்திற்கு வந்துள்ளது.
இந்த உண்மையைத் அறிந்தவுடன் இருவரும் கண்ணீர் மல்க ஒருவரையொருவர் கட்டியணைத்துத் தங்களது அளப்பரிய மகிழ்ச்சியை வெளிப்படுத்தினர். “நாங்கள் முப்பது வருடங்களாகச் சகோதரிகளாகவே வாழ்ந்திருக்கிறோம்; ஆனால் அது தெரியாமலேயே தோழிகளாகப் பழகியிருக்கிறோம்” என்று உணர்ச்சி பொங்க ஊடகங்களிடம் கூறியுள்ள அவர்களின் புகைப்படங்களும் வீடியோக்களும் தற்போது இணையத்தில் வைரலாகி பலரின் இதயங்களைத் தொட்டு வருகின்றன.