BREAKING: விஜய் கட்சியில் இணைந்த அடுத்த அதிமுக தலைவர்… பயங்கர ஷாக்கில் இபிஎஸ்….!

தமிழக அரசியலில் நடிகர் விஜய் தலைமையிலான தமிழக வெற்றிக் கழகம் (தவெக) தனது கால்தடத்தைப் பதித்து வரும் நிலையில், மற்ற கட்சிகளில் இருந்து முக்கிய நிர்வாகிகள் தவெக-வில் இணைந்து வருகின்றனர். அந்த வகையில், வட சென்னை தெற்கு மாவட்ட முன்னாள் அதிமுக செயலாளரான வி.எஸ். பாபு, அதிமுகவில் இருந்து விலகி அதிகாரப்பூர்வமாக தமிழக வெற்றிக் கழகத்தில் இணைந்துள்ளார். நீண்ட காலமாக அதிமுகவில் தீவிரமாகச் செயல்பட்டு வந்த இவர், சமீபத்தில் அக்கட்சியில் இருந்து நீக்கப்பட்ட நிலையில், தற்போது தவெக-வின் கொள்கைகளால் ஈர்க்கப்பட்டு இந்த முடிவை எடுத்துள்ளதாகத் தெரிகிறது.

வி.எஸ். பாபுவின் இந்த வருகை வட சென்னை பகுதியில் தமிழக வெற்றிக் கழகத்தின் செல்வாக்கை வலுப்படுத்தும் என்று எதிர்பார்க்கப்படுகிறது. ஏற்கனவே பல்வேறு அரசியல் கட்சிகளின் இரண்டாம் கட்ட நிர்வாகிகள் மற்றும் தொண்டர்கள் தவெக-வை நோக்கி நகர்ந்து வரும் சூழலில், ஒரு மாவட்ட அளவிலான முன்னாள் நிர்வாகி இணைந்திருப்பது அக்கட்சியினரிடையே உற்சாகத்தை ஏற்படுத்தியுள்ளது. 2026 சட்டமன்றத் தேர்தலை இலக்காகக் கொண்டு விஜய் காய்களை நகர்த்தி வரும் நிலையில், வி.எஸ். பாபு போன்ற அனுபவம் வாய்ந்த நிர்வாகிகள் தவெக-வின் வளர்ச்சிக்கு முக்கியப் பங்காற்றுவார்கள் என அரசியல் வட்டாரங்கள் கருதுகின்றன.