தமிழ் சினிமாவை பொறுத்தவரையில் ஒரு சில திரைப்படங்களில் நடித்து ரசிகர்கள் மனதில் நீங்காத இடம் பிடித்த நடிகைகள் ஏராளம். அதே சமயம் சூப்பர் ஹீரோக்களுடன் நடித்தும் பிறகு பட வாய்ப்பு கிடைக்காததால் சினிமாவை விட்டு காணாமல் போனவர்களும் உள்ளனர். அதன்படி தமிழில் சூப்பர் ஹிட் ஹீரோக்களுடன் ஒரே ஒரு படத்தில் நடித்து பேமஸ் ஆகி அதன்பிறகு அட்ரஸ் தெரியாமல் போன நடிகைகள் குறித்து இந்த பதிவில் பார்க்கலாம்.
மானு:
அஜித்தின் கிளாசிக் படம் தான் காதல் மன்னன். இந்தத் திரைப்படம் மூலம் ஹீரோயினியாக அறிமுகமானவர்தான் மானு. இந்த படத்தில் திலோத்தமா கதாபாத்திரத்தில் நடித்த நிலையில் பட்டித்தொட்டி எங்கும் பிரபலமானார். இந்த படத்திற்குப் பிறகு சினிமாவில் ஒரு ரவுண்டு வருவார் என எதிர்பார்க்கப்பட்ட நிலையில் சினிமாவுக்கு டாட்டா காட்டி விட்டு கணவருடன் சிங்கப்பூரில் செட்டில் ஆகிவிட்டார். திருமணத்திற்குப் பிறகு 2014 ஆம் ஆண்டு வெளியான என்ன சத்தம் இந்த நேரம் படம் மூலம் மீண்டும் சினிமாவுக்கு வந்த அவர் அந்தப் படம் ப்ளாக் ஆனதால் பிறகு படங்களில் நடிக்கவில்லை.
பிரியா கில்:
அஜித்துடன் நடித்து ஆள் அட்ரஸ் தெரியாமல் போன மற்றொரு நடிகை தான் பிரியா கில். சிங்கம் புலி ஏக்கத்தில் அஜித் நடித்த ரெட் திரைப்படத்தில் இவர் ஹீரோயினியாக அறிமுகமானார். அந்தப் படத்திற்குப் பிறகு சரிவர பட வாய்ப்புகள் கிடைக்காததால் சினிமாவை விட்டு விலகிய இவர் திருமணம் செய்து கொண்டு செட்டில் ஆகிவிட்டார்.
மோனிகா கேஸ்ட்லினோ:
கே எஸ் ரவிக்குமார் இயக்கத்தில் விஜய் ஹீரோவாக நடித்த திரைப்படம் தான் மின்சார கண்ணா. இந்த திரைப்படத்தில் விஜய்க்கு ஜோடியாக நடித்த இவர் பாலிவுட்டில் ஃபேமஸான நடிகையாக வலம் வந்தாலும் தமிழில் மின்சார கண்ணா திரைப்படத்திற்கு பிறகு வேறு எந்த திரைப்படங்களிலும் இவர் நடிக்கவில்லை. அதேசமயம் மின்சார கண்ணா திரைப்படத்திலும் இவருடைய நடிப்பு பலரது விமர்சனங்களை பெற்றது.
ரிங்கி கண்ணா:
கோலிவுட்டில் இருந்து காணாமல் போன மற்றொரு நடிகை தான் ரிங்கி கண்ணா. இவர் பிரசாந்துடன் இணைந்து மஜ்னு திரைப்படத்தில் ஜோடியாக நடித்திருந்தார். இவர் பாலிவுட் நடிகர் ராஜேஷ் கண்ணாவின் மகள் ஆவார். ஹிந்தியில் சில திரைப்படங்களில் நடித்த இவர் பிறகு திருமணம் செய்து கொண்டு சினிமாவை விட்டு விலகி விட்டார்.
ரோஷினி:
கோலிவுட்டில் இருந்து காணாமல் போன மற்றொரு நடிகை தான் ரோஷினி. இவர் கமல்ஹாசனின் சூப்பர் ஹிட் படமான குணா திரைப்படத்தில் நடித்திருந்தார். அந்த திரைப்படத்தில் இவர் நடித்த அபிராமி கேரக்டர் இன்றளவும் ரசிகர்கள் மத்தியில் பேசப்படுகிறது. இருந்தாலும் அப்படத்திற்கு பிறகு சினிமாவை விட்டே அவர் விலகி விட்டார்.
அமோகா:
இவர் தமிழில் ஜே ஜே என்ற படத்தின் மூலம் அறிமுகமானார். இப்படத்தில் மாதவனுக்கு ஜோடியாக நடித்து அனைவரது கவனமும் இவர் மேல் திரும்பியது. இதனைத் தொடர்ந்து அடுத்தடுத்த படங்களில் நடிப்பார் என்று எதிர்பார்த்த நிலையில் ஹிந்தி, தெலுங்கில் கவனம் செலுத்தி அங்கே போய்விட்டார். இவருக்கு ஆனால் தமிழில் எதிர்பார்த்த அளவுக்கு வாய்ப்பு கிடைக்கவில்லை.