தாய்லாந்தில் தனித்தீவில் மிக பிரம்மாண்டமாக திருமணம்.. வரலட்சுமி சரத்குமாரின் திருமண புகைப்படங்கள்..!

நடிகை வரலட்சுமி சரத்குமாரின் திருமண புகைப்படங்கள் இணையத்தில் வெளியாகி வைரலாகி வருகின்றது.

தமிழ் சினிமாவில் மிகவும் பிரபலமான நடிகைகளில் ஒருவராக வலம் வருபவர் வரலட்சுமி சரத்குமார். போடா போடி என்ற திரைப்படத்தில் நடித்து பிரபலமான இவர் அதைத்தொடர்ந்து பல திரைப்படங்களில் நடித்திருக்கிறார். அழகு, திறமை என அனைத்தையும் பெற்ற நடிகையாக வலம் வரும் இவர் தமிழ் மட்டுமில்லாமல் தெலுங்கில் பிரபல நடிகையாக வலம் வருகின்றார்.

இவர் நடிப்பில் கடைசியாக வெளியான வீரசிம்ஹா ரெட்டி, ஹனுமான் உள்ளிட்ட திரைப்படம் நல்ல வரவேற்பை பெற்றிருந்தது. தமிழில் நடிகையாக அறிமுகமான பிறகு பெரிய பெரிய ஹீரோக்களுடன் நடிக்கலாம் என்று கணக்கு போட்டு இருந்த நிலையில் வெறும் ஏமாற்றம் மட்டும் தான் மிஞ்சியது.

தொடர்ந்து தமிழ் மற்றும் தெலுங்கில் ஒரு சில திரைப்படங்களின் நடித்து வந்த இவர் தற்போது தெலுங்கில் சபரி என்ற திரைப்படத்திலும், தனுசுடன் ராயன் திரைப்படத்திலும் நடித்து முடித்து இருக்கின்றார். இவர் மும்பையை சேர்ந்த தொழிலதிபரான நிக்கோலய் சச்தேவ் என்பவரை காதலித்து வந்தார். நிக்கோலய் சச்தேவ்க்கு ஏற்கனவே திருமணமாகி விவாகரத்து ஆகியுள்ளது. இந்நிலையில் இவர் இரண்டாவது தாரமாக மனைவியாகியிருக்கின்றார்.

அவரது குடும்பத்தினரும் ஓகே சொன்னதை தொடர்ந்து தாய்லாந்தில் இவர்களது திருமணம் கடந்த 2-ம் தேதி மிக பிரம்மாண்டமாக நடைபெற்றது, கடந்த ஜூலை மூன்றாம் தேதி சென்னையில் உள்ள லீலா பேலஸில் மிகப் பிரம்மாண்டமாக ரிசப்ஷன் நிகழ்ச்சி நடைபெற்றது. இதில் தமிழக முதல்வர் முக ஸ்டாலின் தொடங்கி தமிழ் மற்றும் தெலுங்கு திரை உலகை சேர்ந்த பல பிரபலங்கள் கலந்து கொண்டு மணமக்களை வாழ்த்தி சென்றனர்.

இந்த புகைப்படங்கள் இணையத்தில் வைரலாகி வந்த நிலையில் தற்போது வரலட்சுமி திருமண புகைப்படங்கள் வெளியாகி உள்ளது. இரண்டு முறைப்படி இவர்கள் திருமணம் செய்து இருக்கிறார்கள். கிறிஸ்தவ முறைப்படி மோதிரம் மாத்தியும் இந்து முறைப்படி தாலி கட்டியும் திருமணம் செய்து இருக்கிறார்கள். இந்த புகைப்படங்கள் இணையத்தில் வெளியாகி வைரலாகி வருகின்றது. இந்த திருமணத்தில் இரு குடும்பத்தினருக்கும் நெருக்கமானவர்கள் மட்டுமே கலந்து கொண்டிருக்கிறார்கள். இந்த புகைப்படங்கள் தற்போது வைரலாகி வருகிறது.