பாலோயர்ஸ் இருக்குன்னு அவங்கள நடிக்க வைக்குறாங்க.. ஆனா டயலாக் கொடுத்தா சொதப்புறாங்க- வடிவுக்கரசி வேதனை!

தமிழ் சினிமாவில் சிவப்பு ரோஜாக்கள் திரைப்படத்தின் மூலம் நடிகையாக அறிமுகமானார் வடிவுக்கரசி. படித்துக் கொண்டிருந்த போதே வீட்டுக்குத் தெரியாமல் அந்த படத்தில் கவர்ச்சியான வேடத்தில் நடித்தார். ஆனால் அவரின் வித்தியாசமான மிடுக்கான நடிப்பு ரசிகர்களைக் கவர்ந்தது. அதன் பின்னர் பல படங்களில் வில்லி மற்றும் குணச்சித்திர வேடங்களில் நடித்து இப்போது வரை அசத்தி வருகிறார்.

தமிழ் மட்டுமல்லாமல் தெலுங்கு மற்றும் கன்னடம் என பழமொழி திரைப்படங்களில் நடித்துள்ளார். இதுவரை சுமார் 350 படங்களுக்கு மேல் நடித்துள்ள இவ்வாறு தற்போது தொலைக்காட்சி தொடர்களில் நடித்து வருகிறார். வடிவுக்கரசி எத்தனையோ கதாபாத்திரங்களில் நடித்திருந்தாலும் பாரதிராஜா இயக்கத்தில் அவர் நடித்த கதாபாத்திரங்கள் அவருக்கு அழியாப் புகழைப் பெற்றுத் தந்தன. சிவப்பு ரோஜாக்கள், முதல் மரியாதை மற்றும் கிழக்குச் சீமையிலே போன்ற படங்களில் அவரின் கதாபாத்திரத்தை குறிப்பிட்டு அதற்கு உதாரணமாக சொல்லலாம்.

அதேபோல வில்லி கதாபாத்திரத்தில் மட்டும்தான் அவர் சிறப்பான நடிப்பைக் கொடுப்பார் என்றில்லாமல் எந்த கதாபாத்திரம் கொடுத்தாலும் கலக்குவார். ஒரு கட்டத்தில் சினிமாவில் அவருக்குப் பெரிதாக வாய்ப்புகள் கிடைக்காத போது சின்னத்திரை பக்கம் ஒதுங்கினார். அங்கும் அவருக்கு கொடூர வில்லி கதாபாத்திரமேக் கொடுக்கப்பட்டது. சினிமாவில் தூள் கிளப்பியவர் சீரியலை மட்டும் விட்டு வைப்பாரா என்ன? அடித்து தூள் கிளப்பிக் கொண்டிருக்கிறார்.

இந்நிலையில் தற்போது சீரியல் மற்றும் படங்களில் அதிகளவில் சோஷியல் மீடியாவில் பிரபலமாக இருக்கும் இன்ப்ளூயன்சர்களை நடிக்கவைப்பது குறித்து தன்னுடைய அதிருப்தியை வெளியிட்டுள்ளார். அதில் “ரீல்ஸ் போடுபவர்களுக்கு அதிகளவில் பாலோயர்ஸ் இருக்கிறார்கள் என அவர்களை நடிக்க வைக்கிறார்கள், இயக்குனர்கள். ஆனால் வசனம் கொடுத்தால் பேச முடியாமல் தடுமாறுகிறார்கள். அவர்களால் நேரம்தான் வீணாகிறது. இது இயக்குனர்களுக்குப் புரிவதில்லை” எனக் கூறியுள்ளார்.