தயவு செய்து அந்த வார்த்தையை மட்டும் சொல்லாதீங்க… மேடையிலேயே செம கடுப்பான நடிகை தமன்னா… காரணத்தைக் கேட்டு அதிர்ந்த ரசிகர்கள்…!

கேடி, வியாபாரி, கல்லூரி, அயன், சிறுத்தை போன்ற சூப்பர் ஹிட் திரைப்படங்களின் மூலம் தமிழ் ரசிகர்களின் மனதை வென்றவர் நடிகை தமன்னா. தென்னிந்திய சினிமாவில் முன்னணி நடிகையாக வலம் வந்த அவர், தற்போது பாலிவுட்டிலும் டாப் நடிகையாக ஜொலித்து வருகிறார். நடிப்பைத் தாண்டி சொந்தமாக பிசினஸிலும் ஈடுபட்டு வரும் தமன்னா, அண்மையில் நேர்காணல் ஒன்றில் திரைப்படங்களில் இடம்பெறும் சிறப்புப் பாடல்கள் குறித்துப் பகிர்ந்துள்ள கருத்துக்கள் இணையத்தில் விவாதப் பொருளாக மாறியுள்ளன.

திரைப்படங்களில் வரும் இத்தகைய சிறப்புப் பாடல்களை ‘ஐட்டம் சாங்’ என்று அழைப்பது எனக்கு முற்றிலும் உடன்பாடற்ற ஒன்று என்று தமன்னா தெரிவித்துள்ளார். “அந்தச் சொல் பெண்களுக்கு மரியாதைக்குரியது அல்ல. ஒரு பாடலின் பிரம்மாண்டத்திற்காகவும், அதன் வெற்றிக்காகவும் நாங்கள் எவ்வளவு கடினமாக உழைக்கிறோம் என்பது அதை உருவாக்குபவர்களுக்கும் பார்ப்பவர்களுக்கும் தெரியும். அப்படிப்பட்ட உழைப்பை வெறும் ‘ஐட்டம்’ என்ற ஒற்றைச் சொல்லால் சுருக்குவது, அந்தப் பெண்ணின் உழைப்புக்கு நாம் அளிக்கும் மரியாதை அல்ல; சமூகத்தின் இந்த அணுகுமுறையில் நிச்சயம் மாற்றம் வரவேண்டும்” என்று அவர் ஆணித்தரமாகக் கூறியுள்ளார்.

மேலும், நடிகைகளை வெறும் கவர்ச்சிப் பொருளாக மட்டும் பார்க்காமல், அவர்களின் அசாத்திய நடிப்புத் திறமைக்கும் உழைப்பிற்கும் முக்கியத்துவம் கொடுக்க வேண்டும் என்றும் அவர் கோரிக்கை விடுத்துள்ளார். இதற்கிடையே, தான் பேசிய கருத்துக்களைச் சிலர் தவறான கோணத்தில் சித்தரித்து சமூக வலைத்தளங்களில் பரப்பி வருவதாகக் குறிப்பிட்ட தமன்னா, அதற்கு முற்றுப்புள்ளி வைக்கும் வகையில் தனது இன்ஸ்டாகிராம் ஸ்டோரியிலும் விரிவான விளக்கம் ஒன்றை அளித்து வதந்திகளுக்குப் பதிலடி கொடுத்துள்ளார்.