காதலர் தினத்தை முன்னிட்டு உருவான இந்தி திரைப்படம் ஓ ரோமியோ விரைவில் திரைக்கு வர இருக்கிறது. இந்த படத்தில் நடிகர் விக்ராந்த் மாஸ்சி தமன்னா நடித்துள்ளனர். இந்த படத்தை விஷால் பரத்வாஜ் டைரக்சன் செய்துள்ளார். மேலும் ஓ ரோமியோ படத்தில் சாஹித் கபூர் திருப்தி திம்ரி நானா படேகர் உள்ளிட்டோரும் முக்கிய கேரக்டர்களில் நடித்திருக்கின்றனர்.
ஓ ரோமியோ படத்தில் நடித்ததற்காக நடிகர் விக்ராந்த் மாஸ்சி நடிகை தமன்னா சம்பளம் வாங்கவில்லை. படத்தின் இயக்குனர் விஷால் பரத்வாஜ் சம்பளம் வாங்காமல் பணி செய்திருக்கிறார். நடிகை தமன்னா 12 நாட்கள் படப்பிடிப்பில் கலந்து கொண்டார். முன்னதாக இதற்கான ஒத்திகையிலும் பங்கேற்றார். ஒரு சிறப்பு பாடலுக்கு நடனமாட 6 கோடி ரூபாய் சம்பளம் வாங்கும் நடிகை தமன்னா, இந்த படத்தில் ஒரு ரூபாய் கூட சம்பளம் வாங்காமல் 12 நாட்கள் நடித்து கொடுத்திருக்கிறார் என்பது ரசிகர்களை ஆச்சரியப்படுத்தியுள்ளது.