முதல் படத்தில் விஜய்க்கு ஜோடியாக நடித்தேன்… என்னுடைய ஆசை நிறைவேறுமா? – நடிகை சுவாதி வைத்த கோரிக்கை!

கடந்த 1995ம் ஆண்டில் எஸ்ஏ சந்திரசேகர் இயக்கத்தில் நடிகர் விஜய் நடித்த படம் தேவா. இந்த படத்தில் கதாநாயகியாக அறிமுகமானவர் சுவாதி. அதன் பிறகு அஜீத்குமாருடன் வான்மதி படத்தில் சுவாதி நடித்தார். தொடர்ந்து வசந்த வாசல் செல்வா நாட்டுபுற நாயகன் சொக்கத்தங்கம் யோகி என பல படங்களில் சுவாதி நடித்திருக்கிறார். தெலுங்கு கன்னட மொழி படங்களில் நடித்த சுவாதி, வானத்தைப்போல படத்தின் கன்னட ரீமேக்கில் கௌசல்யா நடித்த ரோலில் நடித்தார். கடந்த பல ஆண்டுகளாக சினிமாவில் சுவாதி நடிப்பதில்லை.

சமீபத்தில் ஒரு நேர்காணலில் பேசிய நடிகை சுவாதி கூறியதாவது, சொக்கத்தங்கம் படத்தில் பிரகாஷ்ராஜின் தங்கையாக நடித்திருந்தேன். தெலுங்கு கன்னட படங்களில் நான் நிறைய நடித்துள்ளேன். சொக்கத்தங்கம் படத்தில் நான் சௌந்தர்யா ஒன்றாக அமர்ந்து சாப்பிடுவோம். நானும் சௌந்தர்யாவும் வெஜிடேரியன்.

நடிகர் விஜய் நடித்த தேவா படத்தில்தான் நான் முதலில் நடித்தேன். அவரது கடைசி படத்தில் எனக்கு நடிக்க வாய்ப்பு கொடுத்தால் நடிப்பேன். சின்ன ரோலாக இருந்தாலும் நடிப்பேன் என்று நடிகை சுவாதி கூறியிருக்கிறார். ஆனால் ஜனநாயகன் படம் விஜயின் கடைசி படம் என்பது குறிப்பிடத்தக்கது.